士佳說 - 張士佳 2022年5月31日
【#士佳說 】張士佳：球局派冧把
【#士佳說 】張士佳：球局派冧把
尋日寫如果大市陽破星期五高位，六月睇不太淡，
不負眾望，企左響上面，我冇特別做野，只係加了些期指博216xx，唔做皆因第一）因美國假期；二）因好倉之前有買一些，雖未買齊，又唔想特別高追貨，衣家等回一回的時候，再加；唔回就算。
唔想高追貨，但大市勢好，有機會可以短炒下個股幅度。尋日講話可短炒的#2325雲康集團，昨日低開比大家買，跟您就升，夠晒水位，希望你有炒，一日升咁多16%咁多，我食了算，後面仲有幾多唔清楚，純走勢去入所以食，第日睇耐些，再作定奪。
近來整親隻腳，趷下趷下，打唔倒波，但波友約到，美國又冇事所以照去食飯，開波旋到爆嘅Jim Sir啱啱走完＃883中海油，又問有乜好冧把？我尋晚都未做功課唔敢亂咁答，而家供諸同好，基建排頭仍是穩，#830中國建築興業有圖有趨勢，吾怕揸住等，大基建已經上馬，但大市一升呢D先前抗跌股慣常反回一回，回一回又可輪住炒。未來日子中央必定更多政策放寬，基建減稅增加就業救經濟，同科技股的反彈走勢，來為港股帶來支持。
內地50招振經濟，上海全面復工復產。見到餐飲、零售、旅遊甚至工業股都有反彈，即時係最直接受惠，市場憧憬市民會增加消費，但經濟仲係修復當中，又通脹，經營成本又貴，消費股要好多時間先會做番好，反彈容易大升卻有些難度。
始終都係316穩，連染藍都未回，我早左食，現肯定唔買了，等回會買番，反而其他海運如＃2343,＃1138，＃1308都回，我無在手，反而有興趣等貨櫃陽破頂再關注。
尋晚我又口痕同Active blocking好似長城一樣嘅郭Sir講#2255海昌公園，怕講大左，今日不忘補番兩句，2255尋日再破頂，遠遠跑贏大市，Sun Channel 都已有講，但怕大家聽後高追，無錯，海洋公園承著上海解封開放又百越南概念，可能會再加速上升，但都升到咁高，應趨向陸續食糊，尤記得在3蚊附近已經有買有關注等，現在差不多一倍了，應高食低買，呢D靚股好經常突然急插，后又發覺無事，近跌後靚仔陽燭置最化算。唔回就買第二D囉！
煤股咪回囉，昨日回得急，但尋日都講連1171都要增持3668，跌得幾多？味精都係，睇來睇去都似係市升而投資人無錢，將錢由先前抗跌股拿出來，去買殘股像9988等，呢D我無興趣，要買，我買兩極，極殘股及領先股；極殘股在最殘時唔敢買，但彈番夠多，不妨儲一儲，中國生物制藥1177衰左好耐，近日彈番，經濟唔好唔通唔使食藥咩？搏佢死唔去囉，至於領先股呢幾日大市升，佢回唔奇，但全年夠穩，呢個月藍籌能夠創200日新高的見下圖，前兩者公用性質，只有＃883中海油，六月九日派特別息1.18，9 june 前相對安全，好息之徒如Jim Sir唔應該咁早放。
士佳說 - 張士佳 舊文
本文作轉載及備份之用 來源 source: http://skycheung.weebly.com