【平民投資教室】錢俊：監管風暴完結定中場休息?
平民投資教室
日期：2022-06-28
更新時間：16:47:15
恆指過去五個交易日共升逾900點或4.5%。近期好多股評人已經開始話港股最壞時間已過， 今年港股會跑嬴美股，甚至阿爺已經放生阿里巴巴等傳言亦滿天飛。
外圍因素方面，美
股表現仍對港股有一定影響。美市主要影響因素仍然係通脹同加息幅度嘅 可預測性。如上周所述，未來幾個月上落市機會較大。
政策不明朗因素仍然係主宰港股命運嘅最重要因素。科網股同國策主導大市已經係公開秘 密。最近幾個月可能因為疫情而唔想再發放太多負面消息，未有重大收緊政策出台。車股及科 網股隨即反彈，從恆生科指已由兩個月低位反彈超過30%可見一班。
然而如果話監管風暴已告一段落，錢俊認為咁睇係太片面同靠估。兩周前有傳言話阿里旗下 螞蟻金服有望重啟上市程序，一日後當局已經迅速澄清。事實上整個監管風暴跌市由2021年 螞蟻被剎停上市一刻揭開序幕。一日上市未重啟，錢俊認為都唔能夠話監管風險已經完結，現 階段難以確認科網股以至於港股是否已經跌完。
由於近期科技股已經升咗好多，想分段撈底或建倉，除咗等一等之外，都建議買入ETF而非個 股。始終下一波監管措施會影響邊間公司同邊個行業，阿爺以外無人知，又或者好似尋日騰訊 咁突然面對大股東減持而大落幅後。與其賭大細，不如大細都買，分散風險。就算某一隻科網 股因個別消息而爆升，理論上其他同業都會齊上齊落，買ETF有貨係手就不至於令自己消失 於升浪之中。
3182:科指以外嘅中國新經濟選擇
好多投資者買中國科技股都係睇恆生科指。其實呢個板塊，香港嘅上市ETF有好多選擇。以標 智納斯達克中國新經濟公司海外50指數ETF(HKG:3182)為例，投資50隻包括美國同香港上 市嘅新經濟相關股份。
眾所周知恆生科指主力都係網上平台經濟，加上一啲科技硬件公司。但上述ETF仲包括更多 範疇，比如消費股、醫療等。參考基金十大成份股就睇到，阿里騰訊美團京東固然在其中，但 最大持倉卻為比亞迪，佔ETF成份8.4%，該公司並唔係恆生科指成份股。另外唔喺科指入面嘅 十大持股仲包括拼多多同農夫山泉。呢啲持倉可以減低多隻港股科網巨頭面對投資者拋售時 嘅影響。
基金表現方面可以證明呢一點，ETF過去一個月升28%，科指得21%。而過去6個月雖然跌 6.2%，但仍然比科指跌9.7%優勝。3182同時仲係本月五大最高回報ETF之一，僅跑輸比兩隻 槓桿ETF同之前介紹過嘅GX中國電動車及電池ETF(HKG:2845)，後者表現固然受惠近日車 股反彈，但由於只投資單一行業，風險分散能力肯定比3182嚟得弱。
想聽其他投資Topic?話我知:chinjun.column@gmail.com FB: chinjun.etf
IG: chinjun.column
以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com