士佳說 - 張士佳 2022年8月6日
【#士佳說】張士佳：仲係唔見好多股靚
【#士佳說】張士佳：仲係唔見好多股靚
全球關注佩洛西順利離開了台灣，昨日錄片時，股市已有所反彈。雖然我的睇法是淡，但要分清楚何為執善固執，何為硬頸，自己做左put 就算 ，彈就由佢，而家先8月初，去到8月尾再睇下點，但彈之餘逢高位都會即市做淡，尋日20200做淡都有100-200點食，後來阿里巴巴出業績，20300 同樣做法，巴巴出業績都有跟同學說，業績咁靚長輩點接收，結果靚業績都跌返落嚟，開$101 又收 $97, 美股有得做就沽佢，無得做就沽夜期都有 100幾點食
今日可能開20200, 長遠既就唔理，都係睇衰退，衰退再加息又會彈得幾多，數據顯示，過去5年 S&P 500間公司平均係季度第一個月預測既季度EPS下調1.X%，但今次預測下調 2.5%，所以都睇唔到有幾好，之前插得深都係挾下，但睇係咁睇，如果死牛一便頸亦無辦法在市場生存好耐，所以可以找一些關鍵的日子，上一次大跌時由22500跌至 19063, 而現在整個走勢由 22400跌至 19400, 跌左 3000點彈下唔出奇，就會睇今次定上次嚴重？自己就覺得今次較嚴重，之前大跌因為受外圍帶動令港股跌，今次反而外圍反彈，港股照跌，自己唔中意呢D，比人搞到大跌，自己可以彈；但自己跌，人地彈自己都未必彈，如對比納指圖都知港股有幾弱，而家由 19400 彈到 20400 先叫彈 1000點，無乜咁出奇，所以亦買了些put 唔理，繼續下望 19063, 望唔到就算
股手上持有都唔多，最低位當日是討論佩洛西會否去台灣，現在升上嚟有少少反常，反常多數企唔到，一係就再上，一係就會落返，如果做支陰燭或阻力，如果出完再突破向上，否能會上試 20800或 21000 ，同一支陰燭或阻力，睇好睇淡有不同的策略，睇好就出陰燭或阻力，突破高位先諗； 如果睇淡，出支陰燭或阻力可考慮做淡，破頂咪止蝕
#9988 絕對唔靚，上次話有啲死貓彈，最近靚返少少。業績好，話請返六千年青員工，對外雖然話放棄螞蟻話語權，但暫時都係博弈緊。宜家彈，但重有孫正義把刀，我唔制。
#700 唔見得好，如果出支陰燭，再爆會好返啲。
#3690 最近走勢重差過700，價位就700差啲。
#388 如果估中概股返嚟，就望實388
#981 琴日話唔好買，因為250天線下，時實上都係冇爆到。
#1385 有叫大家買，即時有個表現。
#354 有同華為合作，佢回咗一排，喱隻我都鐘意，如果今日陽燭高過$7.22，我覺得有得挑戰返啲高位，可能去到$8.1咁上吓，同當日諗1415一樣。
#1415 當時都回緊，到大概$10-11，就升到琴日最高$15.X，叫學生走都走得靚，喱啲股都係高走低買。喱隻我食咗半啫，但我都鐘意，如果回到$12.X咁上吓我又會買返。之前都話喱隻回就買，IPhone 14唔加價，唔加價就即係會銷量好，對蘋果未必好，但對手機配備商就一定好，因為訂單都係收返咁多錢。
#1121 都係話低就買，琴日就偷步買，就嚟又爆頂，但冇1415咁穩，我係想等爆完搵位食。
冇乜新number講，因為個市真係麻麻哋
#1789 以前有炒過，琴日升，但冇買到，因為痴250天線，我唔買。
#853 例牌睇返，我見唔到醫療設備靚，跟市跌但太多，成交又細。
#9995 醫療設備入面好啲，佢都跟市回，但回得唔多，成交似樣。佢話有似換血技術，可減低脊髓神經相關嘅病症復發率，如果今日陽燭升穿$50.15有機會試頂，都應該有8-10%睇吓。
#8328 今日供股，又會跌返落去，可能到$6咁上吓，如果今日支燭唔靚，但過幾日又燭上$7.02，可以吼吓。
↓↓↓詳盡分析，下面去片！↓↓↓↓
士佳說 - 張士佳 舊文
本文作轉載及備份之用 來源 source: http://skycheung.weebly.com