海洋公園和IP合作搞活動，都唔係第一次。
早幾年經濟唔好，大小品牌要諗搞作，好多時都會同其他品牌Crossover，善用IP各自嘅知名度同強項，好彩嘅話有化學作用，又可以慳啲錢，一舉兩得。
美股外幣即時報價 多國新聞任睇
講開IP合作，我諗起海洋公園。近排見到廣告佢地重辦「夏水禮」，仲
同Emoji合作，泳衣少女加好多咸濕心心眼，都叫做吸睛嘅。但我想講嘅唔係玩水，反而係佢哋對上一個IP活動「高達之父大河原邦男50周年展」。講明先，我唔係高達die hard fans，但我都有朋友之前去過呢個展覽。利申，我無！不過呢排天氣熱，啲人都易燥底，個朋友話之前要畀成幾百蚊入海洋公園朝聖睇高達，本來都有啲嫌貴，但諗住支持下，點知，同一個展覽，依家竟然搬咗去銅鑼灣免費展出，朋友就大為呻笨！
搞高達展投訴不絕
海洋公園早排喺復活節前後搞嘅呢個展覽，其實都算有綽頭，香港真係有唔少宅男、父子檔都係Fans，又有閒錢。大河原自然夠曬號召力，又可以吸水。原本以為可以吸引到連登仔捧場，但點知最後俾人鬧。
海洋公園和IP合作搞活動，都唔係第一次。據行內朋友透露，高達展嘅合作模式同以往有少少唔同，負責策劃、設計展覽與及大河原相關活動嘅內容、嘉賓邀請等等，全部由一間負責IP嘅公司同日本那邊傾好哂，而海洋公園最主要係借個場地出嚟，以及提供人手等支援。除咗第一日傳媒活動海洋公園叫做參與得多啲之外，之後邀請漫畫家、創作界KOL等同大河原邦男等等既VIP 活動，就由呢間IP公司自己搞，結果就玩爛咗人哋個場，好多漫畫界KOL都出post話安排不周，海洋公園無啦啦食曬啲責任。朋友形容個情況就好似係紅館開演唱會，但演唱會啲裝置出咗個意外整親人，個個走去鬧紅館，主辦單位就可以匿埋避風頭。
點知，原來件事仲未完，負責間IP公司仲要將同一展覽翻炒，今次仲要免費入場，唔怪得激嬲啲畀過錢嘅Fans啦！
啱啱海洋公園同另一個IP一齊搞個「夏水禮」。嚇，見過鬼仲唔怕黑？行內朋友就話，搞完高達展，海洋公園今次真係「淆底」啦，佢哋決定用番以前嘅合作模式，攞番個主導權。咁咪好囉，「自己水槍自己拎」，海洋公園鍾意射邊個就射邊個，唔好再好似上次咁，個場畀人用咗，轉頭就俾人一盤冷水照頭淋。
渾水
本欄逢周日刊出
渾水專欄 - 渾水 舊文
本文作轉載及備份之用 來源 source: http://hk.finance.yahoo.com