近日本欄績優高息股巡禮表現不俗，一隻盈喜一隻破頂。
近日本欄績優高息股巡禮表現不俗，中信國際電訊（1883）靜雞雞破頂，「唔係喎，我個買入價仲高過現價！」因為你冇計到末期息0.185元嘛，加埋落去，咩位買都贏錢啦。
美股外幣即時報價 多國新聞任睇
另一隻造好的績優高息股，就係剛發盈喜的味
千中國（538）。集團宣佈，預期截至6月底止中期業績扭虧為盈，盈利介乎8000萬至1.4億元人民幣，主要由於收入較去年同期上升及在成本控制方面取得成果。收入上升主要由於全球COVID-19疫情已經緩和，生活逐步復常，令餐廳營業額上升。另外，在COVID-19疫情期間，集團積極梳理門店，將營運未如理想之門店關閉，並積極控制營運成本，令整體盈利比去年同期上升。
提防好消息出貨
事實上，本欄於味千首季數據錄得正數時，已重新吹雞入場，然後第二季數字繼續錄得正增長，股價亦同步水漲船高，到今天中期盈喜，股價創近兩年新高，又係財息兼收的好例子。
再同大家計計數，公司手頭現金14.7億元人民幣，扣除租賃負債及銀行負債，淨現金仍達9.67億元人民幣，折算港紙10.5億元，相當於最新市值11.9億元的近九成！去年蝕錢仍派息，現價計股息率逾6厘，今年有錢賺股息來一個double都唔出奇，股息率隨時雙位數，所以盈喜後一股不沽，繼續坐定定等收成。
承接標題所講的居安思危，冇錯，績優高息股係升得好爽，但都要留意績後好消息出貨的情況，滙豐控股（005）放榜後連日回吐就係好例子，所以有豐厚利潤嘅，不妨在派成績表前止賺部份，袋袋平安，另一隻本欄愛股佐丹奴（709）將於周四公布業績，你知道點做啦？
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com