作風大膽如馬斯克，都冇All in落Tesla，之前更將本來用喺Tesla嘅晶片用喺自己私人公司度。 (baileystock via Getty Images)
兩星期前講時光倒流會唔會All in Nvidia（NVDA），結論係冇人做到。兩星期過去，Tesla（TSLA）亦都已經爆
上，而事實上，就算係大股東馬斯克，都只係聲稱公開上市公司之中只持有Tesla，佢旗下包括SpaceX及其他公司，甚至佢個人持有嘅加密貨幣，都唔會沽曬然後All in Tesla股票。
講到尾，網上世界嘅All In太過廉價，一般網民All in嘅定義，竟然係股票戶口存倉買一隻就當All in。
All in係呢個世代嘅講法，相同意思上一代嘅潮語就係曬冷，當年電影賭神系列電影已有明確定義：就係賭身家。後期電影加入冇咁文明嘅情節，包括玩手玩眼，此乃後話。
機會極低 亦非好策略
一個股票戶口，買曬同一隻股票，就叫All in，講法令人尷尬，擺5萬元入去股票戶口買一隻都可以係All In，所有曾經按揭買樓嘅人都可以瘋狂恥笑呢類人。假設首期一成，有剩9成借貸，用之後嘅30年工作去償還，已經超過曬All In 水平。相同嘅按揭條款，現實上並冇證券行可以提供咁優厚嘅股票30年按揭以及利率計劃。就算部份證券行孖展比率好高，同樓市相同嘅跌幅，證券行已經斬咗倉，而自住嘅樓宇一般嚟講唔會斬倉。
All in基本定義，就係全副身家買落去，再加每月份糧。如果你有車有樓，賣咗佢，將錢放入股票戶口，然後買同一隻股票。當然，其實亦未必需要賣樓，只需要有間證券行願意將孖展等同身家銀碼，一樣都係All in。
廣告
就算認真講，All in都唔係一個最好嘅策略，強如Nvidia，最近股價都偏弱，睇見其他股隻隻升但自己隻強勢股唔鬱，持有已經有壓力，成份身家All in落去更加精神分裂。
作風大膽如馬斯克，都冇All in落Tesla，之前更將本來用喺Tesla嘅晶片用喺自己私人公司度。一般人All in嘅價值，除咗上社交媒體型一陣之外，實際上冇人會真係成份身家連每月出糧All in同一隻股票。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
笑到最後 - 高明 舊文
本文作轉載及備份之用 來源 source: http://hk.finance.yahoo.com