魚樂無窮：如果時光倒流到沙士
2003年沙士突襲香港，當時個個人心惶惶，搶口罩、漂白水成為指定動作，??都要隔住塊透明膠布。手上有乜最大鑊？就係股票同樓，人人不問價沽貨，輸到七孔流血都在所不計，沙士疫區淘大花園，賣幾十萬都乏人問津。時至今日，樓價貴到正常人買唔到，?房成為主流，大家就咒罵地產商聯手推高樓價，政府助紂為虐，民怨沸騰。
機會曾經出現過，能否把握就視乎大家?洞察力，成功失敗只在一線之差。今時今日，正正就係香港人爭取真普選?最佳時機。689用假普選試圖迷惑市民，一心諗住交埋呢份功課畀阿爺，連任就萬無一失。但聰明?香港人，老早就睇穿呢個糖衣陷阱，日以繼夜、夜以繼日留守各區和平抗爭，為?就係香港?未來。
和平抗爭唔要假普選
還有，當年畀群眾力量踢落台?掃把頭，又話有興趣參選特首，2017年假普選餐單正式曝光——A餐係咖喱味屎，B餐係屎味咖喱，唔通C餐會有鮑參翅肚你食？「有票，真係唔要」?口號，恐怕會變成「有屎，焗住要食」。屎，我寧願留畀選委慢慢品嚐。
個個都話如果時光倒流到沙士，一定會喪掃股樓，我唔希望若幹年後聽到有人話如果去番2014年，一定會上街抗爭。到時，一切都變得太遲，世上亦冇咁多如果。
是日心情沉重，不談股票，附圖為昨日見報投資導航?第四季推介，有興趣?戰友請上網重溫。
唐牛
https://www.facebook.com/tongcow88
唐牛
魚樂無窮 - 唐牛 舊文