一周兩件：煲深控睇升四成
■深控主打深圳樓市，今年3月深圳更加創下每平方米近5萬元均價的新高。 資料圖片
深圳控股（604）今年以嚟嘅內地房地產銷售，keep住爆炸，嚟緊嘅成績單，應該靚仔，大家不妨考慮下，買深控turnaround。深控今年頭四個月嘅內房銷售金額，喺2月份錄到單位數嘅
跌幅，但相信係涉及到春節因素，而其餘1月份、3月份同4月份的銷售金額，分別按年增加1.8倍、5.7倍同2.7倍。
而頭四個月累計合同銷售額達到83.6億元人仔，按年增加接近3倍，兼已經達到今年銷售目標的45%，靚仔到爆！
深控主打深圳樓市，據業內統計，深圳市今年第一季房價升到上去到每平方米4.8萬元人仔，同比增加79%，而喺3月份，更加創下每平方米接近5萬元均價的新高。深圳樓市持續火熱，其中一個好大嘅原因，係其土地開發同供應不足。
受惠母系龐大土儲
而據深控管理層理解，今年頭該市住宅去化周期化6.9個月，但供求平衡點係12個月，反映深圳樓市仍係供不應求。
又深控家陣喺深圳核心位置，揸土儲建築面積，達到2,200萬平方呎，再講，深控係深圳市國資委內房旗艦，阿媽仲揸住過2,000萬平方呎土儲，深控單係食住地區同母系呢兩個優勢，喺嚟緊嘅日子，應該掂過碌蔗！
睇深控上年成績單，表面仲係倒退8%，但上年深控有計計埋埋三四線土地項目撥備，同投資減值的影響，唔計呢批非經常項目，集團上年盈利係實際增長有33%。而場內專業評估，深控今、明兩年keep番增長，EPS0.42元同0.52元，明年預測6倍PE，比本身過去10年平均8.5倍PE，平咗近30%。
煲深控，當明年預測PE，上番呢個10年平均值，深控現價3.16元，係講緊要升42%，到近4.5元。
錢雋
細價股專家
本欄逢周一、三刊出
錢雋
一周二件 - 錢雋 舊文
來源 source: http://hk.apple.nextmedia.com