智取大市：要穩穩陣陣地贏
■港股近期即市走勢極難捉摸，投資者應改為採取精兵制。 資料圖片
港股近期即市走勢極難捉摸，喺唔同板塊裏面，強弱交替實在轉得好快，星期二港股下晝突然轉強，太心急確定趨勢出現又隨時中招，所以策略轉一轉，唔揀熱門股，改為採取精兵制，唔講究持倉規模，但求提升每一注贏
錢嘅機率，穩陣地贏。
必需消費股走勢勁，萬洲國際（288）挑戰上市初期高位。萬洲係半隻中國、半隻美國豬肉股，生物公允價值調整前每股盈利計算嘅年度化市盈率13倍，調整後市盈率11倍。單計半隻美國豬肉股、即係佢持有嘅史密斯菲爾德，假如喺美國掛牌嘅話，估值肯定唔止呢個市盈率，講緊海外同類股份市盈率閒閒哋17倍，明顯市場覺得佢嘅中國因素濃厚，係估值絆腳石。今年上半年，萬洲喺中國平均生豬價格為每千克人民幣19.5元，美國平均生豬價格為每千克1.11美元，僅為中國四成唔夠，由美國進口平生豬去到中國賣，對於控制浮動嘅生豬價格絕對有幫助；估值唔高之下，股價長期偏強絕對合理。
既然股價強，證明資金對佢嘅睇法偏好，睇走勢，似將要重覆今年2月至4月、由4蚊升到6蚊之勢，只要市況冇逆轉，中線見8蚊唔難。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com