【不問價追】勿趕走財神（小炒王梁心欣）（第111期）
2017-2-12 14:00:21
新正頭，大家啱啱先開工，但小炒王年初五已經開工大吉，返嚟炒咗個幾星期，真係發覺上年尾向《壹週刊》提及嘅預測開始應驗，（我話2017年會大上大落，先高後低格局）現金開始有不足嘅情況，
要股換股兼加大槓桿，可謂炒股炒到不亦樂乎。
睇下一段之前小炒王要提提大家，去年尾好多人都係非常悲觀，各大傳媒預測都係以2017年股災為大標題，但去到今年年頭已經無人再講股災兩個字，甚至轉牛，講到好樂觀。作為散戶嘅我哋，一定要心水清，越多人講嘅時候越要保持清醒，越少人提，反而就要不斷提醒自己。咁你識做啦。
如果你係不拘小節的話咁你就啱睇落去啦。第一季所有板塊都係輪流炒，今日食完資源，聽日就到內險，但內險升嘅時候，資源又會回，咁資源仲坐唔坐得啊？梗係得啦，明明等一陣就有回報，你何必趕走財神，日日膽小如鼠過活？
「有勢就去」呢個擺明就係生存之道，年頭返嚟嘅時候你就一定要黐住部報價機唔好兩頭走，小炒王呢期四點前都唔會鬱，一定捕住股價點行點走，因為大勢一去不回頭，記得把握呀老友。
現階段，有現金嘅朋友應該每一個板塊揸返隻龍頭。例如內險股、車股、科技股、資源股、基建鐵路股，點都有揸嗱。金山軟件（03888.HK）屬基金類別，走勢上未大為發力，買呢類型安全又行得快，上望$19.8。車股類別，可以買4S股，大昌行（01828.HK）繼續係心水，睇$4。有多餘錢都應該揸中大價股，炒起呢浸先轉細價股。
今年情人節，有冇花收並唔重要，最緊要係電能（00006.HK）派$5特別息。5蚊喎真是相當之吸引，仲有唔好忘記3月份嘅息口都會派埋，即係話你一路咁揸，揸多一個零月咁上下，你就食兩次息啦。揸實呀。
不問價追 - 小炒王梁心欣 舊文
來源 source: http://www.winmoney.hk