【實力取勝】炒股票點都要講運氣（陳承龍）（第111期）
2017-2-12 12:00:10
我真係忍唔住講，我啲運氣返嚟啦。果然過咗立春之後，小弟唔使再受犯太歲嘅困擾，經常被追擊，尤其去年12月同今年1月，基本上講邊隻死邊隻，邊有咁準架?都唔好話，係幾唔開心，不過，小弟勝在E
Q高，我同自己講，唔會黑咁耐嘅，總有出頭天嘅。嗱！真係捱得過架，一過咗立春，就返嚟啦！一連三日介紹嘅股份包括禦泰中彩（00555.HK）、華彩（01371.HK），仲有隻珩灣科技（01523.HK），幾隻都中，尤其1523，一講即行嗰種快感真係唔係可以用筆墨嚟形容，總之就爽啦。
其實上述嘅經歷我係想同大家講，炒股票真係要啲運仔，冇運嘅話，你股票幾叻都冇用，所以我有時派冧把，有啲人贏到，但有啲人要輸，你應該可以理解啦。
不過，講真，去年12月同今年1月，個市本身真係差，氣氛好薄弱，所以堅難炒得起啲股，而近日氣氛係明顯有所好轉。雖然依家市場資金都仲係窄啲，不過起碼都仲有啲錢肯買嚇嘢。事實上，近期市況算唔錯，單是指數及成分股，好明顯係有資金儲貨，好似我隻愛股滙控（00005.HK），係Keep住有錢買，呢隻我覺得啲基金一儲齊貨，就一定飛天，一於繼續長揸吧。另外批內險股都似樣，就隻中國人壽（02628.HK）為例，一係唔開波，一開波最少升超過8%，厲害。仲有，其實資金都輪住啲板塊嚟炒，好似汽車股咁，簡直可以以跳脫嚟形容，我估仲有得升，所以都要睇實。
不過，炒汽車股點可以遺漏我隻愛股電動神獸中國動力控股（00476.HK）？近期在業績及股權架構方面都有變動，應是開炒強烈訊號，以新大股東入股價炒升1倍計，目標可先定為0.49元。
中國動力早前成功引入了新股東李豐茂，向其配售7.4億新股，相當於擴股後16.64%，配售價0.245元，引入生水1.8億元，完成後，李豐茂將成最大股東。
早前，集團已與深圳壹資本簽署策略合作協議，包括向壹資本及其牽線引入的投資者配售新股，以成為中國動力的最新策略性股東，意即未來股權架構勢將變得更強，再夥拍李豐茂及現有的其他股東如北京汽車城投管理及首航國際等，相信必有一番大作為。
中國動力近年業務擴張快速，包括向邢台市政府出售多部電動巴士，另又跟以色列PHINERGY成立合營，及在重慶新能源巴士產線，旗下重慶基地年產能約2000輛電動巴士，若有需要，可在3年將產能擴至8000輛，發展空間隨時加快及加大。
去年業績已開始步入正軌，6月結止每股資產淨值達0.88元，計及最新配股計劃，NAV仍達0.77元，遠高於現價倍多！
去年12月起，MSCI明晟的香港微型股（MicroCap）指數，已將中國動力納入其內，加強基金建構倉口的誘因。
實力取勝 - 陳承龍 舊文
來源 source: http://www.winmoney.hk