【實力取勝】《策略王直播室》堅係啟播（陳承龍）（第140期）
2017-8-31 18:00:47
《策略王直播室》終於正式啟播，8月28日星期一，《策略王直播室》堅係‧啟播儀式，我哋今次冇咁舖張而隆重咁搞，選擇咗一間喺中環最核心地段嘅coffee shop包場做開台禮，場面唔算
好盛大，但就好得體，最重要係幫助過我哋嘅客戶同合作夥伴都有出席，再一次多謝各位嘉賓賞面。
當日播出節目簡介嘅片已經喺策略王直播室嘅facebook專頁度登出，另有更多精華已經喺今期封面故事度介紹，所以唔喺呢度再重覆，小弟只係想講，試播咗近半年的《策略王直播室》，終於喺8月28日正式啟播，麻煩大家Like and Share，等更多人知道我哋平台！
再賣多次廣告，大家可在YouTube度訂閱我哋《策略王直播室》頻道：
https://www.youtube.com/channel/UChHUArghghtyM5zTMkxmi_Q
因為，臉書功能在於分享，睇YouTube，對於好多日頭有正職嘅朋友嚟講，有睇YouTube嘅好。所以臉書同YouTube我哋都會有，記得訂閱呀。
至於個市，真係好強，就連北韓支飛彈都射唔落就知。嚟緊重點一定係內銀股。
小弟相信，四大內銀會在中期業績公布前繼續大升。因為過去兩年不信「債轉股」和近期「去槓桿」計劃的大淡友，尤其外國基金，已經累積太大空倉。
如果公佈業績好，分分鐘會公布業績後可以再升5-10%。
所以情況就好似滙控（00005.HK），一公佈業績開始繼續補空倉，越先補就越補得平些，人踩人補倉帶動，形成急升，挾淡倉就係咁發生。
當然，截稿前未知，如果業績不好，股價會跌。但如果你空了貨現在已給人挾到叫救命，你還會望著股價狂升而不補嗎？
很明顯今次是大戶和無形之手要在星期三期指結算前夾淡友，用完內險和騰訊（00700.HK）後，現在應該用內銀或許加埋滙豐（00005.HK）夾，在周日可能襲港的風暴後，下星期就可能再加埋賭股反彈來挾，因為澳門到時應該回復正常。
實力取勝 - 陳承龍 舊文
來源 source: http://www.winmoney.hk