【不問價追】等放煙花的上海電氣（小炒王梁心欣）（第149期）
2017-11-2 21:00:55
近日開始多人留意「海上風電」，話未來有好大潛力，更係發展重點。根據中國風電十三五規劃，到2020年海上風電開工10GW、並網5GW，所以近期中國海上風電前景被行業看好。
一
講到海上風電，真正的大佬係上海電氣（02727.HK）。根據中國風能協會數據統計，2016年中國海上風電新增裝機154台，容量達到59萬千瓦。其中上海電氣的海上風電機組供應量最大，佔比達到82.5%，唔講大家都唔知。
而未來趨勢，就係海上風電機組大型化，上海電氣重磅引進6MW-154海上風機，而2017年，上海電氣再度引進7MW-154海上風機，這是中國海上風電市場上最大功率的風電機組。根據市場傳聞，上海電氣也正在與西門子合作研發適合中國海況的6.0MW–171海上風機，預計將在2018年推出。睇中海上風電，點都要望實呢隻上海電氣，別無他選。
2727又點會得一種武器？近日就傳特斯拉（Tesla）又來上海建廠，今次大家都好醒目，無再亂衝入上海電氣，因為無期望就無失望。但對呢單新聞，小炒王都想講兩句，見到東方電氣（01072.HK）的新能源車，講嘅氫燃料（Hydrogen Fuel Cell），呢個係十幾年前化學堂阿Sir講嘅未來汽車之一，的確幾有感覺。
東芝鋰電池近日亦有新突破，6分鐘超快速充電，續航力提升至320公里，在零下10℃的低溫環境下仍能完成快充。東芝呢一代的電池技術係用了鈦和鈮的氧化物，可將單位體積的容量提高至2倍，並能以現行5倍的電流進行充電，港股中想到有鈦資源嘅就係中國鐵鈦（00893.HK），唔知東芝呢個鋰電池會唔會係未來焦點呢？
而有中國Tesla之稱嘅「蔚來汽車」準備係12月推出首款量產SUV蔚來ES8，預計售價都係30-50萬，Tesla 若果仲唔快啲傾掂開廠，相信就會錯失先機。換言之，對Tesla來講佢哋係有燃眉之急，話唔定最終會讓步合資經營而唔係獨資，反正市場無期望過，一旦有合資既話，就係Bonus ，潛力拍擋一定係上海電氣，所以小炒王打算加碼上海電氣。
仲有，上海電氣的潛力係一帶一路，記得小炒王講過呢個係基建設施先行，港口鐵路通訊以及電力等行業都係第一批受惠者，當未來經濟活動加速，所需求的電力就會大大提升，記唔記得好多年前中國仲係世界工廠的時候，電力穩定性就係最大問題！有時上下午限電，有時就隔日，未來發展一帶一路，好多野會慢慢轉移出去週邊國家，你諗下到時佢哋發展起來，電力需求有幾大?
係呢個時候，上海電氣係國內電力設備商龍頭之一，無論係火電、風電、核電界等都係好重要嘅一個參與者，一帶一路勢在必行，上海電氣未來會大幅受惠，訂單一到時，股價講緊係倍倍聲嘅升幅。
公司亦都踩過界布局醫療器械行業，用兩億幾殺入呢個市場，設立一個值16億的醫療基金，主要投資醫療設備、器械等。
最後，公司向大股東上海電氣（集團）總公司發行8億幾股A股股份，用來買嘢及非公開發行A股募集資金唔超過人民幣30億元，每股人民幣10.46元。而A股（601727）執筆時仲係8.9元水平，大股東敢係高位增持，明顯對公司前景非常有信心，所以趁佢橫行，再收集一下，小炒王相信現時橫行愈耐，代表未來升得愈勁。
不問價追 - 小炒王梁心欣 舊文
來源 source: http://www.winmoney.hk