水能覆舟 - 渾水 2018年5月31日
【水能覆舟】上市公司的財經演員（渾水）
【水能覆舟】上市公司的財經演員（渾水）更多
從事獵頭又愛筆耕的久保準備出新書，找了我寫序。以人事顧問、獵頭這個界別來講，久保人氣數一數二，以「全職獵人」之名經營一個5位數followers的專業，分享行業趣聞，也會幫讀者排難解紛，解決職場搵工煩惱等。
個人很討厭那些傳統媒體見到「不醒人事顧問」。「不醒人事顧問」有一段時間跟寸嘴、無料、離地、老屁股、有色眼鏡看年輕人這些負面形容詞是同義的。久保相對年輕，對行業還維持幹勁，並沒有染上這種習氣，所以他找我寫序，我一口答應。他給我的書稿中有一些個案，可堪玩味。
話說某上市公司想找一個財務總監，除了一般工作經驗、專業會計、財務資格外，仲要好似梁朝偉咁仔、身高一米八、著衫有品味之類。前半段的要求合理，後半段開始有點失常。又要靚仔、又要高大、又要合專業資格，我第一時間係問：「話事人或大股東係咪有錢富婆，或者gay？」
答案當然不是。那是因為財務總監有時都要做PR、IR、媒體關係，既然要面對人，那就要個樣靚仔少少。上市公司有時面對公關災難，要找高層解話，靚仔高層可以贏公眾印象分。有時要做路演，搵基金入股，做presentation自然搵靚仔又係有著數。所以，做上市公司高層，其實都有做演員的成份。
財經演員的定義，真係越來越廣闊。靚仔這個溢價，不一定只能有演藝界才能反映出來。久保處理的個案，總是不乏有趣例子。
水能覆舟 - 渾水 舊文
來源 source: http://hk.finance.yahoo.com