魚樂無窮 - 唐牛 2018年11月6日
魚樂無窮：入場前諗一件事 - 唐牛
現市況嘅玩法係，未諗贏幾多先計輸幾多，承受得起先好玩，仲要嚴守紀律，hit中止蝕位必須即時斬纜。 資料圖片 適中字型 較大字型
恒指升千點後回吐500點，上周五冇食糊嘅戰友，感覺有如硬輸一半（好聽啲叫投降贏一半），如果你係當事人，一定會大呻好雞肋，但能夠在特朗普市（唔係牛市同熊市）下贏錢，其實已經好叻叻。
近日出席幾個不同的講座及直播節目，發覺散戶們的取態幾乎都是一致的︰雖然覺得股市未跌完，但依然心思思想入市，撇除開put買熊的，當中不少潛藏著博反彈的基因。當然，騰訊（700）由四舊幾水跌到去二百幾蚊，差不多半價有售，想博一鋪贏番幾個巴仙乃人之常情，不過，重點在於你是否有能力摸底。假設你在10月初300蚊左右落注，去到250蚊時輸差不多兩成，好彩嘅上周五平手離場，否則低位沽貨再眼白白睇住反彈，傷荷包更傷心傷身。
講到尾，特朗普市的玩法係，未諗贏幾多先計輸幾多，承受得起先好玩，仲要嚴守紀律，hit中止蝕位必須即時斬纜，不收留任何戰俘，否則隨時泥足深陷，越蟹越多。畢竟上周五指數反彈的幅度，乃2008年底以來最勁，翻身機會唔係時時有。至於一丁點都唔願輸嘅，繼續做忍者小靈精，等待恐慌的一天來臨才執死雞吧。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.finance.appledaily.com