樓價跌冇問題 最緊要有成交
中原指數連跌兩個星期，跌幅1.2%，並且創43周新低，有不少人很擔心，認為樓價會繼續下跌，唔知跌到幾時。其實無需要擔心，老施一早話今年是先跌後升格局，樓價比年初時跌10個8個百分點是等閒事，最緊要是有成交量。如果有足夠成交量，樓市會在第三季尾作出反彈，如果樓價下跌，但
成交量仍然維持在低水平，咁就大件事，第四季一定會繼續下跌，今年跌15%至20%亦非順口開河，所以，大家應該留意樓宇成交量，而非樓價升跌。
買樓唔同食飯，因為社運激烈而沒有到酒樓食飯，唔會在社運緩和時食多一餐，但買樓是講需要的，因為社運而沒有買樓，在社運緩和時就會考慮，如果樓價下跌，就會吸引到更多人買樓。而事實上，在過去兩個星期，二手樓樓價下跌，但成交量不俗，所以大家亦不用擔心樓價跌無止境。其實，樓市好似一架直升機，車葉轉數夠，直升機就會上升，樓市成交量增加，樓市就算唔升都唔會下跌。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 舊文
來源 source: http://www.am730.com.hk