金融High Tea——中國建材回報超預期
港股昨日先揚後挫，不過好多中字股都大力炒作，有中環茶友就開懷食胡，他去年在低位入貨的中國建材（3323），今個星期大發神威，股價連日上升，昨日在大成交下攀升。水泥是傳統周期股份，茶友貪該股估值夠平，豈料今年因內地基建需求持續，
水泥價格不但居高不下，仲造就公司分拆業務契機，在憧憬賣股套現下，周期股都變概念股，茶友邊升邊賣，在今年市況下能夠有這種股運，確係特別暢快。
今個月中國建材股價特別靚仔，初期因為水泥股普遍炒內地汛情，對基建材料有需求，佢初時股價走勢不特別起眼，但上星期起公司先升破10元關口，跟住接連爆升，昨日一度逼近12元，茶友持有一年收息賺價，手頭未賣股份差不多翻了一番，以傳統股來說相當難得。
內企賠率始終較高
中國建材突然強勢，除了基本面外，更加重要係公司準備分拆水泥業務，成功吸引大行注意力。集團年前在旗下籌組一間天山公司，現時準備把水泥業務打包上市，上星期公司披露已與附屬公司新疆天山水泥，簽訂一份合作意向書，該公司向天山水泥出售若幹水泥業務資產，代價擬為天山水泥發行之新股或該等新股份及現金。
其後公司披露擬注入的資產名單，大行花旗就估計這批資產約700億元人民幣，計及公司發行不超過30%股份的部份後，預期公司可以維持83%以上持股，並將天山水泥化身成為最大的上市水泥公司。
中國建材作風一向進取，集團在2018年提出併購同行公司中材（1893），以取得規模效益，此舉鞏固行業龍頭地位，代價是令公司負債偏高，估值一直受壓，故此雖然過去行業景氣維持，加上公司保持相當增長，但股價一直唔高。今次重組可以說是併購大動作的下集，透過分拆水泥資產，可以減少系內競爭，同時降低負債。今次安排被認為迎合走輕資產路線的潮流，所以市場反應偏好。
企業搞併購有時好講運氣，有人雄才大略，但在行業高峰期大舉出擊，最後功虧一簣。中國建材喺併購對頭後，行業景氣仍然不錯，今年基建行業還因為汛情等因素推動，令水泥股被市場受落，當年買落的資產，好有機會順利透過分拆體現價值。
茶友現時已經將一半股份食胡套現，回報超乎預期，投資從來都係一命二運三風水，不過，好似中國建材能夠炒分拆，主要都係內地經濟運作受疫情影響，無西方同香港咁嚴重，加上內地股市氣氛偏穩造就機會，所以話炒中資股，暫時賠率仍然係比炒本地股高。
金蝶創新高 難忘那些年
市場重視北面風向，雖然港股初段受美股帶動，加上港匯轉強重返二萬五關，最多曾漲314點，至全日高位25197點，但午後因為A股偏軟掉頭，最後回吐172點，全日波幅逾500點，成交增至1283億元。
港府公佈周五起餐飲業務可恢復提供日間堂食服務，惟每枱限坐2人，餐廳內顧客人數亦不能超過座位數目的一半，消息帶挈餐飲股向上，太興（6811）彈升5%，收報1.23元；大家樂（341）漲2.8%，收報15.42元；大快活（052）上升1.6%，收報16.56元。
恒生科技指數曾高見7244點，再創推出後新高，全日微升0.2%，收報7100點。軟件股金蝶（268）創新高，收市炒高7%，報21.8元，為最強勢恒生科技指數成份股。
那些年陸羽仁曾經介紹過金蝶，當時只係4元，到現在見佢升得咁勁，講笑咁講除非係買完放落櫃底忘記咗，否則都好難揸到現在。
陸羽仁
金融High Tea - 陸羽仁 舊文
來源 source: http://hd.stheadline.com