士佳說 - 張士佳 2020年11月19日
【#士佳說 】張士佳： 板塊尋寶
【#士佳說 】張士佳： 板塊尋寶
尋日港股大市升得強勁，連前日高位26542都收穿，收26555，照理，以往升得咁勁，我一定會睇番好D，但昨日我依然審慎，在群組分享，都係入股之餘，走番第二D，唔增大持倉，原因何在？
我見到港股大升之餘，強勢的美股指數期貨唔點升，加上只係收高於高位26542 13點咁多，所以唔敢睇得太好，結果尋晚美股真係出現拋售，市場又話憂慮新增病例飈升，又叫停經濟重啟兼封鎖措施等等。
暫時港股係高估值既科技股受壓，低估值順同期飈升，但後者在指數較前者多，所以恒指上升，仍未做到新高齊升，一股作氣，所以我都係見步行步，距離26791咁近，我等收高埋26791先加倉都唔遲。
2019本來升得好好地，突然來個運動再疫症，將香港經濟尤其舊經濟打成落水狗，現在前者過去，後者中港疫症都唔多，我覺得舊經濟會爬番高些。當然，舊經濟先前被打得體無完膚，有排醫，但復甦點都會去番大跌幅的四成，所以仍有上升空間，所以高盛大摩齊合奏，睇明年28700至29700也不無道理，如果嫌此空間不足，可以另闢新途，在新舊經濟的隙縫中尋寶，以下就係幾個例子。
就好似RCEP傾左咁多年，終於搞定，對多個行業都有影響，尋日電子煙就被落鑊，有7個國家簽協議幫中西採購,將來美稅會大減，所以#336升得飛起，升了兩成，仲有無得升我唔知，但你睇#336升爆，#2300又提了全購，最大市值的思摩爾＃6969上市五個月，無蟹貨，係咪應該繼續持有呢？呢個邪惡版塊，完全違反近年興起的ESG概念，但卻冉冉上升，唔違反閣下道德觀的讀者，可望多兩眼。
尋日先講完吉利#175，就見到#175同daimler合作，在國內生產新一代內燃機引擎，網上又話中國已成新能源車最多的國家，加上TSLA昨晚又彈10%，呢個板塊繼續係皇者，比亞迪1211冇咁快死，合情合理。
尋日仲有提李寧#2331，昨日都升，一陣又雙十一，又雙十二，體育用品都係熱賣，我都話過自從疫症，大家買靚衫靚包，不如買靚運動衫，現在體育運動EVENT都未全面恢復，就升到咁，所以我八月已叫一直持有，我走半都入番，還未上車的，怕高，不妨等調一調再破頂去關注，到時不用怕了。
好似以上幾種都唔太受指數影響，類似的港股現在比前幾年多了很多，不妨細愛，真要看著指數辦，整個下跌裂口睇能否修復先算，我暫偏向中性，稍增大持倉就算。
啊，最後都提下，我唔係睇中曬，昨日藥明就暫時跌眼鏡，早前寫CRO唔怕帶量採購，唔知點解，昨日藥明就調整，我有藥明生物#2269與藥明康德#2359，前者重後者小，後者跌幅超預期，走位先，候機會補回。
我一路講開既航運空運，我都想講下，佢地都升唔停手，中遠#1919與海豐#1308又破近幾年新高，嘩，望下個鐘成九點，唔寫住,要準備開市了，今日E線金融網再講。
士佳說 - 張士佳 舊文
來源 source: http://skycheung.weebly.com