士佳說 - 張士佳 2021年1月13日
【#士佳說 】張士佳：終到28264首目標
【#士佳說 】張士佳：終到28264首目標
今年年頭回來約27500水平，揸大市博先抽上28264。
當時市場人仕均覺得已升太多，調整很正常，我自己也傾向這樣看，但看法歸看法，做法歸做法，當市場唔認同我的看法，我係義無反顧的尊重市場，所以我選擇揸期指，在本欄都一再提及，這種心底看淡，但信市場多於自己，手照做好，我時有執行，看似矛盾，實際上係非常矛盾，但市場就係充滿矛盾的地方。我們在市場是求資本增值，不是求真理，真理？窮到死那天，也難找到，所以，我一直將我的做法同大家講instead of 睇法。
昨日終到達28264，歷時7個工作日，中間28050落了些車，其餘順利到達，到了之後，是否會調整，天曉得，望落去就唔似，咁你又平倉？首先我只平6成期指好倉，仲有大量股票好倉，仲有炒期指不應只睇方向，風險值博率都緊要，到28264我有8成把握，所以咪叫大家參考下，但再升，就是賭眼光，我只信方法，眼光？我冇乜。
尋日五六成股升得好好，汽車零件#558力勁繼續爆，兩日近六成升幅，我夠皮，食大半，比亞迪#1211一開始下跌，我驚，有走位，然後追番，水位蝕了1%，當交保險，現在坐定定。
講開保險，sun channel 節目提到的太保#2601繼續火爆，#1299友邦亦已破百，金融現代化呢個主題先拔頭籌。
至於另外兩個主題，新能源及內需就未得，新能源前日回調，昨日都無咩點反彈，這個板塊係我「打死唔走」之中，就算走都係走位，點都買番，好多人都知光伏長遠比風電好，但風電確實在給力中，中國高速傳動#658，金風#2208，協合新能源#182（此股有風有光）都反彈，比光伏股玻璃股強，奇怪，不過唔理了，光伏風電灑胡椒式全面跟進。
另一板塊，內需就半上半落，海底撈#6862配股後差些，我又唔多擔心，農夫山泉#9633跌一日半就出長下影，#6993藍月亮也在高位盤踞，#1117現代牧業突然一爆，跟番上次PATTERN一隻奶源股爆，其他陸續有睇頭，我押注原生態。
教育其實都係內循環，見幾隻蠢蠢欲動，教育近月都係咁，人行佢唔行，人唔行佢就黎，#6068遲早上力。
XPEV昨升22%到$55，哈哈，我$70做的淡倉，最後在$39.XX那天平倉，正好捉到底，這次係另一代表作，沽最高那一BAR，揸最低那一BAR，中間波幅約五成。好彩即時有分享比學員，唔係又比人屈係馬後炮。樂見XPEV反彈，但要再破頂仲有兩成，我睇定先做好了。最後，再講講物管及生物科技股。
這個板塊其實上次直播已經準備哂資料，可惜時間所限。其中百濟神州與諾華達成合作開發腫瘤免疫單抗藥，信達生物的達伯舒亦有新適應症的申請受理，都令股價昨日飆升。其實這些藥的商機處處，屬穩中求勝，B股大多都是向這個市場發展，我自己都係第一次聽人講生物科技屬於穏，笑死人？容後再在sun channel與大家詳談，我未必可抽時間做下去，有得睇就睇下捧場啦
而物管我在SUN CHANNEL的FB也有講，現買了#6098 & #2669，屬於真正穩中求勝。
嘩，還有醫療器材#1302未講，都係好野，我一樣要開車嘞，明天再講了。
士佳說 - 張士佳 舊文
來源 source: http://skycheung.weebly.com