士佳說 - 張士佳 2021年2月2日
【#士佳說 】張士佳：緊跟牛市節奏
【#士佳說 】張士佳：緊跟牛市節奏
尋日開市前看得較淡，打算等低位撈些，誰知開市價與我想像高近200點，睇多五分鐘唔回，09:35我同學員分享應出現另一反常了，猶記得上周買GME係BASE ON 反常，昨日反常，不問究竟了，買。
熟悉我嘅炒法嘅學生朋友，都知道我唔會拘泥於開市前的諗法，畢竟開市跟我前設已不同，最低限度即市，我會入，情願放一些近的止蝕，以防回馬槍。
大家可能會有興趣，我買了啥？其實昨日本欄已露端倪，再加一些臨場已經很多選擇，上星期在大市崩圍時，我同學員分享#2400心動，一日就修成正果，升3成，即加碼#799 IGG，佢同高質手遊玩家平臺Tap Tap合作，我雖然唔識打機都知道平臺嘅威力，值得期待，落後的#9990祖龍，百奧＃2100及家鄉＃3798都值得留意，契媽份百幾頁的ppt都有提及，小game作動，game王騰訊一定跑嬴大市。光伏我昨日提都無同學生提，因明顯不是焦點，只係走了協三金，451出現違約風險，畢竟主席又賣樓，又被追債，不立危牆之下，我走$2.3，公司話取得大進展，上得番$2.45，我就當佢大進展囉。將其注碼換碼去雲SaaS，手遊，醫療以及一些內需明顯跑贏大市的。
網上雲端#3888金山軟件，#2013微盟，#285比亞迪電子等到跟足大市反彈。
疫苗成爲了世界各國緊缺資源，以前是搶口罩，現在是搶疫苗，#6185康希諾生物-B重組新冠疫苗成功達到預設安全及有效標準，#2186綠葉製藥擬高瓴資本引入，#9926 康方生物也是一個好機會去儲集，6998/9995/2126當中博跑出一隻就夠。同理，群藥鬼馬，藥王#2269無得唔坐。
紙漿期貨刷新上市新高留意#2689玖龍紙業，#2318理文造紙；重型器械#1157中聯重科預估1月挖掘機銷量同比增長106%，表現似堅實。#992聯想全年PC出貨量大增 ，且已接受科創板上市審核。還有消費類，特別留意#6993及9633，#9922九毛九,#6862海底撈等；服裝紡織股#2678天虹紡織及#493國美等等；這些都是根據大市反彈脫穎而出的。
大市稍反彈，個股彈到足，可見資金充裕，我昨日有出力買，因數彈多，但無因為買而忘了調整的教訓，牛一升三回二，未來大市一做阻力，我會即沽大市作對沖，畢竟自己認為調整未完，不過大市調，個股未必調，所以只用低風險沽空位，用最經濟的角度，等阻力才對沖，再一突破阻力，就再往上買，致使自己跟得番牛市的節奏。
士佳說 - 張士佳 舊文
來源 source: http://skycheung.weebly.com