士佳說 - 張士佳 2021年4月28日
【#士佳說 】張士佳：short 了put，今日食糊
【#士佳說 】張士佳：short 了put，今日食糊
我們short 了put，當然樂見港股指數繼續在29000牛皮拉鋸，今日可以食糊，袋袋平安，而昨日市場焦點落系匯豐及美團身上；先講滙控首季多賺79%，回撥有驚喜，業績遠超預期，股價升1.9%。倫敦股價亦造好，股價短期內有望向好，陽燭升穿46.95，有望終觸及$50，聊勝於無。
#3690美團被立案調查壟斷，昨日我文都估無事，可惜開得唔夠低，冇短炒，美團之前配股有700億，推算美團的罰款可能為40多億元人民幣，真係濕濕碎。不過，對科技巨頭的打擊，一次過罰款事小，未來幾季度見到對業務的影響才事大，這些巨企的股價表現尚待觀察，暫時看似低位有支持，但都係高沽低揸反覆格局而已。
熱門股方面，體育用品股續造好，#1361 361度及#1368特步均創52周新高，李寧2331較為落後，如陽燭破64.95頂，可留意。
#2269藥明生物跌6%，主因是大股東繼今年1月減持套現近百億元，套現又沒有列什麼特別用途，雖然昨北水大力接貨，但上升動力略嫌不足，都係嗰句當大市冇乜好買又下跌嘅時候就諗佢啦。
#6618京東健康繼續受惠線上醫療及銷售藥品市場發展，昨收報升過5%，反而留意#241阿里健康會否同步受惠；另外表現勁反覆的#2616基石藥業抽高17%，其「選擇性RET抑制劑普吉華」申請獲中國國家藥品監督管理局受理並納入優先審評行列，值得望下；同業又有超好業績支持的#6185康希諾生物，及#867康哲藥業都係破頂可追，呢期你個倉唔可以冇呢啲藥股，就算冇呢兩隻股都要有其他同業，嚟緊星期五我做SUN channel，或者到時講下。
士佳說 - 張士佳 舊文
來源 source: http://skycheung.weebly.com