凶宅成交亦可以反映樓市
筆者識得一個專買凶宅的投資者，但從來沒有問他點解要買凶宅。有一次，他問我知唔知點解佢要買凶宅，我話應該是價錢平，一般都會比正常低三、四成，撞啱唔好時勢，隨時平一半。他說這只是一個理由，最主要的原因就是凶宅已經是凶宅，就算再發生命案，對那個凶宅的樓價是沒有影響，
但如果買一個正常單位，碰啱不幸事件，那個單位的樓價會大幅貶值。不過，那位投資者強調，買凶宅的確要有很大勇氣，唔知道會不會得罪屋內靈體，所以，在睇樓時覺得心神恍惚，就算價錢幾平都唔會買。我覺得那位投資者買凶宅的理由都幾特別，但的確是一個理由。
不過，凶宅買賣亦可以反映樓市走勢，一般來說，除了那幾個凶宅專業買家之外，一般人是不會有人有興趣買兇凶宅，而那些投資者在任何情況下都會鋤價。所以，凶宅的交投是淡靜，如果連凶宅也暢旺，代表樓市非常熾熱，但我認為，如果不是凶宅專業投資者，都是忍手為佳，寧願出高價一些都要買正常單位。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 - 湯文亮 舊文
來源 source: http://www.am730.com.hk