士佳說 - 張士佳 2021年9月23日
【#士佳說 】張士佳：博反彈
【#士佳說 】張士佳：博反彈
昨日A股有市，到尾段逐步回升，低開高走，昨晚恒大#3333話今日將如期支付公司債利息，略為緩和市場對其債務危機的憂慮。 美股EGRNY即時爆升，帶動adr 反彈。以上呢啲都唔難估，好多人都估到，假期前上堂，都話俾學生聽，國慶前會好啲，唔使急於出貨；另外，FOMC 議息要2022年先加息0.25里，並承認會收水臨近但速度非常慢，美股就連續兩日大反彈，有利港股今日假後開市氣氛。係咁的了，當中長線冇乜前景，短線就會反彈，當然彈完就…..彈完囉，所以唔好諗住過人世，好似先前我叫留意嘅新媒體，跌市中都有好表現，今日返嚟我都會食糊先。
既然指數有望反彈，咁梗係留番啲子彈來博反彈，近兩星期急插的內房股有機會率先反彈，博反彈當然由於價殘，但係太殘我又唔敢博，恆大率先反彈，但係一個走唔到，咁就從此走唔到，要博，我會博D最多輸些但係死唔去的，像細茂聾胡盒生九日光軍，跌勢中嘅昔日強勢股，就算彈冇咁快，最緊要輸都冇輸就咁快。
大市反彈時，筆者會留意#700騰訊，睇吓限成人打機嘅影響；再者#CRO醫藥醫療康得可能短期內特別值得關注；除此之外，就是獲內地政策扶持，受打壓風險較低的強勢股，新能源電力相關核電及風能概念股，受跌市影響只是回一回，強得有道理，因環保、綠色能源、蓄電及電力股依然處於周期升浪。
如風電機發電容量增加的龍猿電力、新鮮突破嘅哈電，冷門些少嘅協合新能，新天綠色。我亦留意中國能圓建設、電動車相關嘅力細紀及抽水蓄能建設概念東方電汽。
呢啲股我會關注，但千祈唔好放低防守心態，佢哋一做阻力我就減，如果市個做埋阻力，我會減上加減，攻中有守，不能掉以輕心。
士佳說 - 張士佳 舊文
本文作轉載及備份之用 來源 source: http://skycheung.weebly.com