笑到最後｜點解人們嗌股災 高明話係咩碰！（高明）
笑到最後｜點解人們嗌股災 高明話係咩碰！（高明）
9月開始，美股稍為鬱咗一鬱，好多人因此失去信心，甚至大叫股災。
9月開始，美股稍為鬱咗一鬱，好多人因此失去信心，甚至大叫股災。高明同一時間冇乜感覺，照舊如常生活。但係見咁多人嗌痛嗌救命
，人皆有惻隱之心，分別喺唔同場合寫咗「跌市加油區：科技股大跌選擇留下來的人 三大理據科技股下跌is RIGGED」及「打氣文：大膽面對股價下跌」，所謂炒同一個股市一日，就係一世戰友，戰友氣餒，好應出言打氣。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
自從高明10月5日先後寫呢兩篇文後，得到上蒼憐憫世人，美股立即停止下跌，由低位上升，標普及納指分別上升4.15%及4.99%，所以古有祭司宰羊祭天，今有高明寫文求神，其實都係同一道理，身為現代股市祭司，祭天、祭地、祭蒼生呢啲粗重功夫，都係等我嚟啦。
好多嘢冇得解 散仔永遠唔知
事實上，睇上面兩篇文嘅標題，就知係「勵志文」多過「分析文」。曾經講過，跌市係分析最佳時間，因為個市冇眼睇，紮實嘅基本分析先有時間做。反之，雞犬皆升，趁墟會贏得更多，就係呢個道理。
但係，高明作為祭司，以普度股民為己任，分析係個人修練，打氣係行公義好憐憫，點可以因私廢公？因為連續寫兩篇勵志文，除咗救得一個得一個，最重要係令蒼天有回應，股價得以重拾正軌。
大家可能會問：今期個專欄「笑到最後」個作者係咪short咗？又祭司又普度眾生？係咪未食藥？
高明會話：回應標題「點解人們嗌股災 高明話係咩碰！」係囉，點解？因為好多嘢冇得解，特別係突如其來嘅跌市，咩債息升疫情重臨收水，全部都係後天人為僭建，真實嘅原因係冇原因，或者作為散仔永遠唔會知。
當你可以接受到，因為高明寫文祭天，所以股價上升，之後先有基礎研究點樣跌市係咩碰。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com