收租如買低息債券
不時有做投資銀行的人搵我買高息債券，我話唔識投資，簡簡單單買樓收租算數。但有人同我講，買樓收租如買低息債券，風險比買高息債券還要高，因為高息債券經過不少專業人士做盡職審查，如果有風險都是大圍事，但買樓就不同，只是業主自己考慮有關風險，評論員講的都是廢話，物業代理只
是想促成單交易，其他的事可免則免。所以，他們唔明白點解有人會買樓收租，但大家又唔好以為在投行做的人會買金融產品，其實，他們搵到錢都會買樓收租。
買高息債券與買樓收租的分別，就是當發行高息債券的公司無力派息，高息債券就會大幅貶值，甚至得個零，但如果買樓收租，就算租客唔交租，都可以收返層樓，但並不一定會蝕錢，因為層樓可能升了值，但高息債券最多都是發行的公司能夠以全額兌現，這就是有人寧願買樓收租都唔買高息債券的理由。
作者為紀惠集團行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk