士佳說 - 張士佳 2021年11月24日

士佳說 - 張士佳 2021年11月24日


【#士佳說 】張士佳：亮點各不同
【#士佳說 】張士佳：亮點各不同


​昨日港股無乜生氣，唔少板塊都在調整，尤其是ATM跌幅吾細，皆因又有監管，中央擬向科網平台企業開徵數據稅，騰訊被北水狠沽，美團阿里更跌足五日，故指數暫時難有起息。

還好，仍捉到市場幾個亮點：1）內地傳媒引述全國標准信息服務公共平台顯示，由國家煙草專賣局組織的電子煙國標文件狀態變更為「正在起草」，憧憬電子煙標準規範化。市場直接炒起思摩爾國際#6969，因其最有競爭優勢，北水也大力參與；中國波頓#3318 都喪升，呢兩隻我就只係炒即市，暫時未有中長線興趣，而有興趣嘅，就係一直喜歡相關的華寶國際#336、當然要提防政策其實係監管電子煙質量並不是鼓吹，不過，華寶唔同其他兩隻，唔係尋日因為消息先至升，先前已升得好好，所以先食半再睇中長，未上車唯有行等候調整，見低位不妨關注。

2）整個恒大系又成為了市場主角；原因是地產股似乎不太落，政策在穩住，要求銀行多發放貸款給房地產，變相系另類放水，加上中國恆大地產#3333復工，市場似鬆一口氣，大家見到#1797新東方在壞消息之下兩個月升一倍，立即有憧憬，我只係見到我JT軟件顯示佢哋上加速榜，一樣係炒下即市，炒下無妨，#1797人哋有主席增持，佢哋仍然係撲水中，不可同日而語。

汽車股中，恆大汽車#708最搶鏡，不足兩星期再配股，話用作新能源汽車的研發及生產製造，市場認爲恆馳新能源汽車能順利投產，昨日升15%，實體車未知幾時有，但為恒大系提款解燃眉之急為實，幾隻我都係只炒即市。

3）大型科技股都在抖氣，恆騰網絡#136就繼續狂升25%，市場可能期待新股東，未公佈就已經炒起，小心消息出來隨時挾完。

昨晚快手#1024 及小米#1810公佈業績，市場注目，因兩隻都能影響今日指數表現。快手出來數據不太差，但就蝕多左，不過市場已經預期左，估計今日未必會低開。但就最估唔到小米利潤同比減少8成，市場估計應該系投資失利，今日小米反而有機會直接低開，再拉落指數，要觀察走向。

最後講吓石油股，美國白宮發表聲明，宣佈會與中國、日本、印度、南韓及英國合作，從戰略儲備中釋放5000萬桶原油，這隻解釋咗點解前牌升得好地地，近月不停下跌，但我慣見升睇升，見跌睇跌，喺油股來講，如此壞消息之下，如果#857陽燭升穿3.66， 我會諗。

寫唔晒，仲有一啲資訊，學生群組內再分享。

士佳說 - 張士佳 舊文

本文作轉載及備份之用 來源 source: http://skycheung.weebly.com