大行唱淡香港樓市，你信？
上期仲講緊有無可能通關，昨宣布星期五起限堂食，封閉娛樂場所等以應付第五波新冠肺炎疫情。
現在寫稿預測樓市，除了從政策、民心、錢流、國際局勢方面著手外，還要加上疫情，不一定關乎疫情的嚴重性，反而個別政府對待疫情的態度更應注意，不是一句「人算不如天算」就一筆帶過，
無論評論員或者大行，也得向公眾負責。
可惜，市場實際運作並非如此；最近有大行唱淡今年香港樓市，預計將會跌7%至10%，然後有傳媒大肆報道，一同起舞，務求令一班淡友睇得開心。投資要成功，是要客觀及吸納正反兩面理據，再作恰當分析。有人覺得門檻太高，有沒有比較容易的分析方法？有，睇往績。以大行為例，於2018年11月，摩根士丹利估未來半年樓市跌10%，結果升6%。瑞銀料2019年跌10%至15%，野村話跌13%，仲量聯行最壞跌25%，結果升3.3%。當然，如果年年錯，買對家則容易處理，可惜命中率為五五，倒不如擲銀仔。可能即時諗起城中某些KOL年年開對家更有參考價值，受眾的記憶是短暫的，亦容易受情緒影響，既貪心又怕輸，所以股市九成九散戶都輸，因為太多人為操作。樓市轉身難，有位朋友2008年買樓後，遇到金融海嘯後悔到極點，最後焗住贏兩倍。請聰明的讀者們不要誤會我在唱好樓市，我一向認為港樓投資價值有限，只是提出簡單的睇報道方式，不要太容易被有心人左右。
大行唱淡香港樓市，你信？
HEA富專欄 - 郭釗 舊文
本文作轉載及備份之用 來源 source: http://www.am730.com.hk