士佳說 - 張士佳 2022年4月25日
【#士佳說 】張士佳：霧中找路
【#士佳說 】張士佳：霧中找路
現在美股港股嘅格局都幾例牌，呢排美股強港股弱，美強港弱，美強港弱，美強港弱，跟住美股一棍追番晒D跌幅，通常在呢個moment，港股變得無咁弱，星期五美股跌1000，港股巴閉了，只係跌400，但又有乜用呢？
死唔斷氣，係因為有鴨仔資金似乎收到證券金融四大部門罕有地同日發聲，向市場派定心丸維穩，話要促進市場平穩運行，又會再加大規模貨幣基建及融資政策刺激，試圖挽回市場信心，吸引長期資金入場，A股即反彈倒升收市，加上在港交所#388回升帶動下，從低位反彈約500點，但咁又有乜用啊，死下死下，係要求固本培元先至會返生，唔可以靠臨死前食番粒續命丹。
上海靜緊，開始又傳北京出現傳播鏈，困住喺屋企點知又限打機時間；俄烏之戰又白熱化，今個星期仲有Apple，Microsoft，Amazon，Alphabet四大科網巨頭會相繼有業績放會更加波動風高浪急，打到來咁；上星期寫左，港股會先見199xx機會較大，似就算反彈都要跌返，今星期睇下佢到唔到。
美股星期五的一支大陰燭，跌過千點，殺傷力唔細，再傷博市見㡳既基金經理的心，遇上美國聯儲局大放更鷹姿，令聯儲局6月加息0.75厘概率升至9成幾，9月底都怕收水加息過快，好難再升，奉行逢高沽著數D，市場唯有圍爐舊經濟，環球趨勢屬於資源油農産品等，所以銀行股及資源股一直跑贏。
港股殘，但殘到極，優劣已見，反而並唔係無野炒，好似先前提到的中遠海能#1138，俄軍想控制所有烏克蘭沿黑切斷烏克蘭的海路運輸，所以亞洲的集裝箱需求及運力會更加緊張，航運股都在背水一戰，逆市應聲而起，尤其是是全球領先的能源運輸公司，中遠海能#1138，AH股都創兩年來新高，上星期五提大家食糊，市大跌又可睇睇今个星期跌到199xx后有冇反兜机會。此外，上星期比左中國船舶租賃#3877幅圖，率先破頂，今日回，就期待下個風景。
戰爭切斷了全球煤炭貿易，英國及歐盟已經折服，陸續妥協用盧布購買俄羅斯天然氣。只差德國在撐拒絕入口，並呼籲或許要鑽木取暖沖少啲涼，但一面又担心全面禁運俄羅斯的煤、油及天然氣實施，德國今年經濟將會收縮2%，看來歐洲出現滯脹的機會不輕。歐洲想盡辦法找替代品，不得不從全球各地搶購買煤炭，印度仲趁機搶購俄羅斯煤炭再resell。全球對煤的需求熱烈，既然中國在限煤價，中國企業的有升有食，但又未食晒，唔理住，轉移睇睇海外的，兗煤澳大利亞#3668星期五升14%，幅圖有D似先前的＃37，＃37近日令人進賬唔少，所以我特別深刻印象，＃3668我暫時手頭上冇。但上星期一升14%，就開始留意，Mongol Mining#975及伊泰煤炭#3948，都係先前炒過，而家再等機會入返，各國著手儲備媒碳要至少能供今年冬天備用量，煤炭價格下半年都應該居高不下。
上星期五逆市中率先帶起指數反彈的非港交所#388莫屬，資料重點源於雙碳綠色能源發展，及一直提倡的碳交易，大行估計港交所可藉此制定互聯互通計劃，成為一個外資進入中國碳交易市場，香交所#388會直接作爲成交中心。等緊買，等極都唔靚，星期五支大陽燭升13蚊4%， 算不算是革命性突破？暫只係續命丹，賭博而已。
反而鍾南山指出，「動態歸零」無法長久進行，中國需要重新開放。一面又指國內不時有幾個區域已經成功清零，無論如何，疫情總會淡化，博重啟消費經濟及工業生產活動，有關的股票，如上海公園、上海實業、上海復旦，有關的都確實在炒復甦，就連我入過幾次無功而還擺低幾個的1910都在蠢蠢欲動，陽燭破到18.48，唔信鏡，再博多次！
經濟逆風，外圍動盪，戰事紛亂，資源短缺，加中國上疫情在關鍵時刻情況下，股市正處於爬坡過坎的過程中，現在的港股就喺高位進兩步又退三步，但喺低位退一步又可以進二步，市場資金操作態度亦都係一樣，是需要政策同信心慢慢去配合，所以一直強調買股都要控制注碼，未到放手一搏的時機。風高浪急，消息又多，如果太風口上唔敢買，怕風向一轉走唔似，要買都買一些唔相關，好似印尼，正走出疫情陰影，其消費股142近日表現唔錯，我都有捧下場。
雖然大市未到時機，但重要的是，個股能見度已經逐漸高左，配合圖表給出信號，就能領悟出操作方向。吓！？寫得咁清楚都唔知我寫乜，大家太鍾情於雞精文章了，好！美股除左我先前提嘅就捱下之外，好多先前熱炒嘅，我都情願攞嚟逢高沽；至於港股，壞消息一大堆，衰嘅多但反而有少少亮點，可以吼市低時，買買，唔知邊啲？先前都有比D圖啦，估唔到？咁唯有大路的啦，超人幾寶，或市大跌時儲D中移nor。
士佳說 - 張士佳 舊文
本文作轉載及備份之用 來源 source: http://skycheung.weebly.com