士佳說 - 張士佳 2022年6月1日
【#士佳說 】張士佳：食番D，應下景先
【#士佳說 】張士佳：食番D，應下景先
尋日指數再破位高收，主要是由ATMXJ科技股帶起，內地公布5月製造業PMI好過預期，以及收市前MSCI 換馬，二三線股被挾高同時也挾高指數。兩三日升過千幾點，前幾日寫陽破20812會睇番好啲去215xx點左右，都参不多到了，中央密集式的救經濟政策，按理會繼續睇好，但此刻自己則緊抱平常心，坊間多左大師級專家話會再升，我當堂打個突，又未敢睇淡，今朝開市番黎sell少少call，當take take 少少profit算應對一下，化一化災；不過尼兩日大市嘅主角會繼續係科網股，尤其是明天美團業績，令到大市有波動變化，但記著尋日D股咁升只因msci rebalancing ，唔駛太尊重個收市价。
美團再升6.8%，三日已升15%，業績前已經挾左好多上去，尤其得我在3月14日用成篇“士佳説“寫一隻美團，仲話it is美團价值長期投資的 best of time，當時做＄111-128，到昨日$187已升五成，你話係唔係best of time，當時大家知我重注揸長，我有个倉得美團一隻，咁大隻兩個半月升50%，如遇有好消息，short call 賺點時間值未嘗不可。
以前強調的是監管，現在是強調平臺經濟健康發展，利好科技股。如果未買，又真係想博科技股爆升，也可吼落後些少，有支持又剛有突破的#9618京東，同美團一同受惠協助深圳發放新一輪消費券，京東未升，回跌率應該吾會太多，而且未有業績因素影響，短線應有一定防守力，等日回一回，細注做長線D，穿大底才走，博上番$280，好過炒來炒去。
吾高追貨，正好重温之前部署低位反彈的個股，出咗咩lego。中國推三十幾個一籃子救經濟政策，於不同範圍輪住推出，加上滬京解封， 回復番正常反工生活生產，炒復甦現曙光之際，餐飲股九毛九#9922，之前已買落等，受惠新一輪消費券尋日都有突破繼續反彈，已加注；還有期待已久的海吉亞醫療#6078，續兩日陽燭突破，亦已加注，升得太快回一回唔出奇，暫時唔走來走去了。
日前短炒的醫療股#2325雲康集團有食，轉向關注另一隻半新股#2185百心安，上市以來，趨勢一直上升。百安心聚焦介入式心血管設備及治療高血壓的專科公司，都是現時社會中的通病，殷切需求咁話wor，其實最主要都係冇乜蟹貨嗻，考慮小注博再破頂，但波幅較大止蝕放遠些少位在46.9。
汽車又有吸力政策支持，不超過30萬元的減半徵收車輛購置稅，鼓勵換車買新車。大市值的比亞迪唔回唔吼住，反而長城汽車#2333、吉利汽車#175突破阻力可以關注。而市值較細的五菱汽車#305我仍然痴痴在等。
尋日輪到新能源板塊出政策，內地發布話要促進新能源高質量發展，光伏玻璃風電及發電力股尋日都升得全面。養眼的有#451協鑫新能源，炒下反彈，博下大霧算了。
士佳說 - 張士佳 舊文
本文作轉載及備份之用 來源 source: http://skycheung.weebly.com