士佳說 - 張士佳 2022年6月2日
【#士佳說 】張士佳：叫左你食架喇
【#士佳說 】張士佳：叫左你食架喇
尋日本欄topic叫食番D，可謂應晒景，指數一開已差不多是頂，第一浸都仲有股上冲，好似＃142第一太平，＃6078海吉亞醫療，#37遠東酒店等，我都儘量在學生群組叫執生，如果唔係，到下午返嚟升幅都冇曬，不過，當中最重要，就係尋日叫short call hsf 及食＃3690，因美團$120撈底係一注獨大，當日買嘅數量比較多，要特別小心處理，雖然尋日唔係跌好多，今日收市仲出業績，但升了近五成，當一眾專家睇好嘅時候食些，眾地勿企坊間智慧有時都幾應景，否則到夜期仲跌多兩百點，一日跌500點梗唔係世界末日，但袋袋平安再作籌謀，點都好過擔驚受怕。至於short call，都係賺下時間值同埋等縮窩，上面嘅目標睇下今次調整健唔健康先，暫時冇乜點變；乜嘢叫健康？唔調得深兼且調得時間短咪健康囉。
煤炭需求未停，有高息又回購，業績大多數超預期。手上亦持有有大有細，但要做中長線揀番龍頭兗礦能源#1171、收購增持兗煤澳洲海外煤後股價被壯大，前景自然非常被市場看高。首鋼資源#639、中煤能源#1898繼續走趨勢上升，但高位穿腳破頭有些古惑，會唔會市場都想食啲細換啲大，食左高那些先。
遠東酒店實業#0037等咗好耐終於有好消息高開兼冲升10%。因投資物業增值，公司、預計財年溢利達到約5000萬港元，創歷史最高。買左咁耐，但最終好消息做陰燭，食左算，陽燭突破1.12再先再買番。等得耐的仲有#6078海吉亞，等等下，不知不覺由低位已升2成，未點回過，未捨得食晒，都係食半留半。
一直呆等的仲有#305，見其他車股都升曬上去都未郁，尋日終於突破升8%，而且表現最好，全日高位收陽燭，呢隻剛突破所以我冇乜點食，資料話從6月1日起，消費者登錄官網等購車，可享受兩万補貼云云，表面睇都幾吸引，繼續等上250天附近先食。
大市升左咁多日，很多個股都有跟隨指數雨露均沾有得升，假期前擇機而食之余，再等時機換去之前整固後突破的靚股。
之前雖然早食了大價的東方海外#316，但反而是好機會買番細價的中遠海能#1138，尋日突破得靚，升5% 創六年新，公司擁有及租入的油輪共有168艘，油輪運力規模全球第一，油艇快過龍船，後來居上。
另外，海隆控股#1623 升6%，近日波幅開始收窄，似將臨突破。有消息海隆於美洲的附屬公司近日就供應鑽桿及塗層服務簽訂五份合同，總額約爲2100萬美元，有機會更上一層樓，不過呢隻始終波幅嚇人，唔買得大。
隨住復工復產推進，「數字哨兵」成為多地防疫剛需，#20商湯成為上海「數字哨兵」首批合格供應商之一。乜野叫「數字哨兵」？一種具有快速核驗健康碼、身份證、核酸檢測信息等功能的新型信息化設備，所以我估＃20尋日爆咗上嚟係呢個原因，究竟係霎眼嬌定真係咁大幫助，等回一回整支陰燭，睇下可唔可以再爆上先啦。
今日大市有機會再低開點，不過中央日日出招，尋晚國務院決議以金融支持基建發展，政策性銀行將增貸8000億元人民幣，地產內房基建水泥等似再會出來支持大市。
市場在等收市後美團業績，未知如何走向，但似乎博阿爺在假期再有招數，就算業績不盡人意都有政策墊底，如果今日有機會拖低啲#3690美團或#9618京東，或會吼位博些遠牛坐上去了。
士佳說 - 張士佳 舊文
本文作轉載及備份之用 來源 source: http://skycheung.weebly.com