【天下第一倉】高山行：表面惡搞 只係博炒
天下第一倉
日期：2022-08-10
更新時間：02:50:49
企展控股(01808.HK)呢隻怪股近期大異動，進入旗型，相信下一浪好快又到，唔駛講咁多，7,000萬銀市值，所有大股主成本勁高，坐持現金多過市值，已經夠炒，起幾飛有乜難？
近期1808怪事第一宗，係在上月中計劃配售最多1,361萬新股，相當於擴大後股本16.67%，配售價0.42元，淨集570萬元，做到乜？之後股價開始異動，由幾毛錢最高抽過上2.3元，之後回順，但又在月底宣布批股失效！
所以話，今次大異動係炒未來續有變數，至於點變唔重要，因為7,000萬市值下，變數衰極有限，但俾佢一下翻到小小身，就可以爆升幾倍！
經過幾年沉寂後，1808主事提供綜合商業軟件方案及買賣上市證券，簡單到唔恨，前述批股集資話用於員工成本、專業費用、租金及一般行政及營運開支，但有趣係去年底止手持現金及現金等價物1.16億元，借貸1,006萬元，所以集570萬銀來做乜？擺明博炒！
1808點解咁殘？ 首先係之前又供又合，之後有前執董被採取紀律行動，業績又唔醒神，冇乜好事發生，完全將大股東景百孚地位投閑置散，再睇近年資本運作，2020年9月以0.168元作價批過股、就算去年底，又以每股作價0.07元再批，但計及其後20合1，即係前者折合批價3.36元，後者1.4元，已經係歷史最低批價，再唔駛睇大股東景百孚及吳曉東乜位入，係咪好抵博？
高山行
天下第一倉 - 高山行 舊文
本文作轉載及備份之用 來源 source: http://hksmedia.com