過去幾個月，如果有一個全球被噓指數，第一應該係富貴球星C朗拿度。
過去幾個月，如果有一個全球被噓指數，第一應該係富貴球星C朗拿度，第二可能是Tesla（TSLA） CEO馬斯克，第三可能是Tesla 股價。
美股外幣即時報價 多國新聞任睇
先講C朗，高明近月特別留意曼聯（MANU）、C
朗及其領隊動向，當作辦公室政治例子看待。C朗為人行事作風值不值得支持見仁見智，但以辦公室政治角度要睇全局，近期另一新聞指曼聯會設薪酬上限，英文傳媒報導點名C朗後第二高薪嘅迪基亞；然後另有消息賣隊長麥佳亞。
整個佈局以結果論，可以幫老闆節流、幫領隊排除舊臣，空出嚟嘅預算亦可以進行有其他有利自己嘅安排，C朗取得16億港元年薪合約亦算求仁得仁。不過輿論導向就係邊個踢得唔好、邊個搞是非，以公關角度，其實都幾成功，有傳曼聯放盤，削減薪酬提升每股盈利，都係配合近半年上市公司裁員潮嘅趨勢，當然。裁一個C朗等於裁好多個一般打工仔。
馬斯克入主Twitter後多是非
另一主角馬斯克及Tesla，自從買入Twitter後是非特別多。出席Dave Chapelle棟篤笑嘉賓時被噓，Tesla股價被狂沽，股評亦都睇淡該股。亦因為Twitter，有人發起杯葛Tesla電動車。
馬斯克沽Tesla找Twitter數，當然有爭議並且一定會炸散隻股。一面倒捱批，就唔一定只係自發，特別係買twitter後公開咗唔少內部文件，包括喺疫苗同以前Ban戶口，馬斯克喺podcast講過「幾乎所有有關Twitter嘅陰謀論都係真，亦喺Twitter話「我的代詞是起訴/福奇」。同期嘅美國傳媒，集中報道Twitter及Tesla失利新聞，更加令人好奇嘅陰謀論新偽反而少提，亦都係一個唔錯嘅公關手段。
至於股價，正如上星期所講，好多隻前當炒股大跌過後，股東接受咗高增長不再/食返老本，股價就開始嚟料。Tesla畢竟係少數證明賺到錢嘅純電動車股，安安份份當佢普通車股，配合推出平版Model 2，大跌過後反彈大把理由，當然一沉百踩被人帶咗風向就有啲無奈。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com