科技進步下，新舊兩代嘅效能唔係差太遠，例如我坐Uber，只要到目的地，Tesla定Toyota分別不大。
如果要選一樣歷史上破壞性創造帶嚟最大影響力，一定係燈膽，從此釋放人類喺黑夜時候嘅生產力，亦將上一代嘅照明技術蠟燭，送入興趣性質嘅照明及裝飾，同正常嘅照明功能冇關，呢一個就係破壞性創造
直接令上一代霸權清零嘅先驅。
美股外幣即時報價 多國新聞任睇
類似嘅例子當然唔會只係得一個，另一個例子就係汽車，相對上一代嘅陸上運輸工具馬車，自從發明用燃料驅動嘅汽車之後，馬車嘅僅餘有意義殘留，就只係用嚟量度汽車馬力仍然係用匹做單位。
科技進步 新舊效能難完全取代
當然，相對蠟燭，馬嘅用途更加廣泛，包括用嚟賭博、旅遊景點，以及少量偏僻缺乏基建嘅地方仍然用嚟運輸。若以總體運輸比例計，馬亦都被清零。
車嘅發展繼續推進，過去幾年大力推行電動車，除咗喺燃料上根本性改變，更重要係喺汽車入邊加入更多電腦成份，終有一日毋須再有人類揸車。
呢個轉變同上一代破壞性創造嘅分別，就係冇將上一代嘅油動汽車完全趕盡殺絕。至於自動駕駛會唔會令現實世界在冇人類揸車，因為好多人認為揸車係一種享樂，本欄相信除非全球政府一齊立法禁止揸車，否則成條公路冇人類駕駛嘅機會係零。
電動車亦都係新一代破壞性創造典型局面，要同上一代共存，更加要面對上一代加一舊電池，就話自己係新一代，情況有如自稱鍾意Mirror後心境變後生返一樣。
股票市場回報破壞性創造，因為強大嘅破壞性將上一代趕出市場。科技進步下，新舊兩代嘅效能唔係差太遠，例如我坐Uber（UBER），只要到目的地，Tesla（TSLA）定Toyota（TM），到目的地分別冇坐馬車咁大，變咗完全取代已經係無可能。
買股票亦要接受，兩年前好多人許下嘅宏願，由科技股取代舊霸權，最多只能部份取代，最終要並存，而全球經濟似乎會長久滯脹，兼且中國之後未有繼任嘅增長大國，幾破壞都好，成個市場，都將會係有限。
笑到最後 - 高明 舊文
本文作轉載及備份之用 來源 source: http://hk.finance.yahoo.com