tesla 5月開始連續升咗12日，稍為唞一日，最近三個交易日連續上升，整個股市嚟計，同樣連升並唔多見。
上星期寫「Tesla（TSLA）目標價362美元」，截稿前收市274美元，距離目標價只剩32%，按照上星期講法，好似Nvidia（NVDA）咁樣，只要有消息跟進，其實一至兩日已經會
升到價，所以上星期嘅目標價其實都算幾保守。
美股外幣即時報價 多國新聞任睇
不過，終極問題仍然係自身，將個市場睇得窄啲，一隻Nvidia，另一隻Tesla，今年只需要輪流揸呢兩隻，咩組合平衡理論、分散風險等，全部都冇用，只需要一注獨贏，回報一定跑贏兩隻以上嘅投資組合。就算冇咁叻仔食完NVDA單日升兩成先至轉倉TSLA，只係揸其中一隻年頭賺到年尾，都已經係今年嘅星級基金經理表演。
如果係以前，一定會覺得一注獨贏會更加好，到咗今日，只會覺得時候翻睇就應該只買一隻，但係未來係充滿著不可預測，咁就應該多元發展。
事先聲明，股票市場嘅分散風險，只有一個方法，就係持有現金，無論手上股票行業同估值係幾咁唔同，股票本身就係高風險，除咗天災人禍打仗之外，行業本身經常都處於高度競爭，以至於竊取技術、競爭對手有國家撐腰等等，更大風險可能來自企業主管本身，一係賺夠冇心機做正行，心術不正嘅直頭印股票圖利，以上咁多風險因素是但中一個，股票就唔值錢，所以你成手股票其實係冇可能分散到風險。
只買一隻 易彈出彈入
至於點解仍然覺得股票持倉應該有唔同類型嘅股票，真正原因就係連續上升並唔係一個常態， tesla 5月開始連續升咗12日，稍為唞一日，最近三個交易日連續上升，整個股市嚟計，同樣連升並唔多見，就算係Tesla自己本身，連升12日亦唔常見。常規嘅股票都係有升有跌，既然冇一注獨贏，只係冇食盡一個並唔常見嘅升勢，咁就並唔可惜，情況有如每日都有賭枱開圍骰，但係你唔會覺得冇瞓身賣樓當底褲買圍骰會係一種可惜。
美股相對港股，都可以話係Easy Mode容易模式，原因已經講過好多次，所以唔重複。喺呢個前題下，組合入邊每日都有上升嘅股票，比起只買一隻更加重要，因為美股股價變幅相對較為旗幟鮮明，一旦開車就會唔停咁持續上升，相反就跌唔停，組合內大部份時間有上升嘅股票，抵銷番同期調整嘅股票，最終揸到尾嘅機會更大，如果只係買一隻，就好容易陷入彈出又彈入嘅結果，大部份情況下，美股彈出又彈入嘅回報，比唔想持貨到最後。
而你最唔想見到嘅就係，喺佢連升12日之前你彈出咗。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com