金手指 - 孫柏文 2012年8月21日
金手指：重申睇好珠管 - 孫柏文
今年3月6日，即《金手指》六周年嗰日。孫柏文叫大家「一注獨贏珠江管」，因為世界能源進行大變，喺世界各地頁岩石裏shale嘅天然氣將被解放。運天然氣最有成本效益嘅方法，就係管道，珠江鋼管(1938)就係中國龍頭，客戶全球都有，唔使靠啲乜五年計劃。
珠管中期業績就喺禮拜五晚出咗，營業額升26%，即生意多咗。最勁係毛利都升，頭條盈利亦勁，升五成。
行業前景可憧憬
不過盈利係有水份。當然，水份唔係指例如物業重估價值呢啲流嘢，佢嘅盈利係真金白銀咁袋。不過半年賺1.7億元，比舊年多5700萬元，要計埋今年多咗4600萬元政府補貼。
即唔計補貼的話，盈利只升1100萬元。如果今年同舊年都唔計補貼，盈利就升一成。係咪好怪呢？營業額升，(冇計補貼嘅)毛利升。不過盈利反而冇升得咁多。其實原因好簡單，因為佢哋接單接到手軟，所以要大幅發大生產量。相關嘅使費唔少，所以先有咁嘅現象。
我相信全球頁岩石天然氣解放運動，仲有排行。要由氣田運氣到用戶？咁就要鋪合規格嘅管道，即係搵龍頭供應商。最後，我喺《骷髏會》snb.hk嘅同事問：「點解人哋勝利管道(1080)發盈警？你盤數就大賺？」其實天然氣管道有好多級數，好似手機一樣，所以唔好就咁問點解Nokia唔得時蘋果得。不過蘋果得時就會有三星。
又一問我嘅問題係盤數睇落咁賺錢，會唔會係「典型民企」？佢哋冇話自己啲客係國家機密，列曬出來，由曼城班主到我哋機管局都係佢啲客，落到6倍市盈率，值博。
叫一注獨贏當日，珠管賣三蚊，我都蟹緊。不過三蚊鍾意得，兩個幾仲唔愛上愛？所以今日，重申一注獨贏珠江鋼管，重申到2013年3月，7元目標價！
孫柏文
作者為獨立股評人
本欄逢周二、四刊出
http://facebook.com/shuen
上一則: 青心直說：美超級通脹難免 - 胡孟青
下一則: 投資的天空：續吼優質股太地 - 張士佳
~TITLE_S~金手指 - 孫柏文 2012年8月21日 舊文