陸羽仁 BLOG 2012年8月2日
無料到
2012/8/2 上午 09:20:33
網誌分類: 經濟
美國聯儲局公開市場委員會(FOMC)結束為期兩天的會議，一如所料，無料到。聯儲局維持0至0.25厘的超低利率一莊2014年不變，短債換長債的「扭曲操作」亦沒有調整，亦無QE3，投資者自然失望，杜指即時跳水123點，由升轉跌，失守13000點，午後反覆。
杜指收市報12971點，跌38點，跌幅唔大，原因係聯儲局在會後聲明中承認經濟活躍度下降，而對上一份聲明則表示「近來經濟保持適度增長」，普遍的分析認為這點差別很重要，因為聯儲局開始「急投資者所急」，怕經濟增長唔夠，在未來推出刺激經濟的決心及力度會大增。有「QE3憧憬」呢把保護傘，大市又唔會跌得好多。
市場原本都唔估計聯儲局會在這次會議推QE3，但都估計至少會把低息期由2014年推到2015年，結果都無，只遺留對經濟負面評價的一條小尾巴，幸好投資者對聯儲局呢次會議的期望本來就唔高，只係餐前小點，投資者唔會因為這道「小點」唔?畯G口，就出重大投資決策。今晚歐洲舉行的貨幣政策會議，至係主菜，在歐央行德拉吉近幾日連番口術，實牙實齒話救市。市場對今晚的會議會有好消息的期望好高，刺激到全球股市過去一星期大翻身，若然失望就大劑?灠捸C
事實上亦有唔少分析員對今次的歐洲會議能夠有效緩解歐洲債務危機，好有保留。Economist Intelligence Unit的首席經濟師Robin Bew 認為，會議有機會帶給市場驚喜，但叫人大失所望的機會還是高得多，原因係歐元區成員國仍未有一致的共識去救市。
市場現時認為最有力的火箭炮救市工具係歐洲央行能夠大力購買債券，但能否實行的關鍵卻係德國央行的態度。正如德國央行行長Jens Weidmann昨日表示，歐洲央行管理委員會(ECB Governing Council)內最有「say」的仍然係德國央行，而德國央行一向反對歐央行幹預債券市場。未得到德國人首肯，歐洲央行搞唔出好大花樣。德拉吉的說話就只係「Lip service」(齋講)而言。
要估計萬一歐洲央行無料到時，市場頂唔頂得順。
陸羽仁
回應(1) 我想回應
陸羽仁 BLOG 舊文