投資的天空 - 張士佳 2013年1月2日
投資的天空：目標漸近宜減磅 - 張士佳
剛過去的2012年，沒有出現所謂的世界末日，被部份人講到極為恐怖的財政懸崖，雖然因國會來不及投票而出現「技術上」墮崖，但實際上已成功渡過了。若果民主共和兩黨不願妥協，後果可以頗嚴重，從經濟學角度而言，若消費及政府支出同時下降，加上乘數效應，GDP會大幅倒退。
料22900樓上開市
不過講來講去，兩黨都唔會有膽承受墮崖惡果，妥協是必然之事，因此，筆者之前講過，那些嚇人言論及妥協與否的相關消息，都係有心人借來舞上舞落的技倆，不足為患，而中港股市的投資者亦非常精明，最近的勢頭遠比外圍強橫，前日港股雖跟隨美股上周五跌勢低開，但不消一會已經上返去，可以話根本唔怕你墮崖。
根據ADR及新加坡場外期指(俗稱黑期)的表現，港股今日有機會於22900至23000點開市，進一步接近筆者的期指目標23200。老實說，水位不多，無理由?重貨去博那二、三百點，所以自己今日會傾向減持部份，減持多少則會視市況而定。
大家可能會諗，財政懸崖搞掂，理應陰霾盡消，點解會選擇減持？ 不過細心諗嚇，港股邊有真正驚過，反而似睇死兩黨唔夠膽玩火，節節上升就真，到消息落實，投資者反而少了一個焦點。當然，市場仍熱炒內地經濟回升，資金湧入新興市場等主題，所以筆者並唔係話要大手沽貨，只係個市升?咁耐，唔知幾時會突然煞掣來個震倉，那不如在目標漸近之時套現一點，坐得較為安心，即使調整亦有子彈入貨。
順帶一提，由今日開始，組合將正式搬至《爽報》與眾多高手較技，有興趣的讀者可以朝早?份《爽報》，或到《爽報》網頁及Apps均可觀看，今次參賽者有所增加，相信戰況會更為精彩。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：掌握時機最重要 - 胡孟青
下一則: Follow Me：今年之星：豐德麗 - 高彰坡
投資的天空 - 張士佳 舊文