利字當頭：
經濟前景不容樂觀
■在經濟好的日子，社會矛盾只是政治問題；但在經濟差的日子，社會矛盾就是你死我活。 資料圖片
會計哥哥到公司埋數，大家循例也會講講業務近況：「近幾個月做唔少清盤，似乎經濟前景真係有少少隱憂。」聽到他這樣講，也嘗試從不同渠道打聽，甚至到「閒聊會計師協會」的
facebook group留言，我得出的結論是大家對今年的前景，大概是八二開，悲觀者佔八成。但話雖如此，「目測經濟」有很大的主觀成份，反正我是信了，信不信由你。
正當我想將這個「會計師測經濟」的題目好好記下的時候，說時遲，那時快，電話就響起：「喂，世民，有嘢搵你幫手。我哋有個工程三判走佬，我怕班工人會叫我哋出住糧畀佢哋過年……」這位朋友在地產界也有好幾十年經驗，我聽得出他的擔憂，不是個別一、兩個判頭走佬。
「唔啱規矩喎，佢哋係唔係應該第一時間去勞工處睇嚇點樣向破欠基金申請咩？」其實當我講這句話的時候，腦海中浮現的畫面，是九七香港寒冬前的境象。「乜今時今日仲有人講規矩咩？我哋作為業主，工人一定有大食大，你多計仔，幫我哋睇睇可以點拆呢單嘢啦」。結果，事件沒有鬧大。畢竟建築業好景了一段日子，與其抗爭，工人倒不如做多幾工。不知道他們是否也心知肚明，花無百日紅，趁好日子賺多兩個錢，才是上算。
說到底，在經濟好的日子，社會矛盾是政治問題。可是在經濟差的日子，社會矛盾就是你死我活。老實講，要是說過去五年難管治，我很難想像一旦經濟真的轉差，失業率上升的日子，這個特區會變成怎樣。
迷信一點說，由金融海嘯至今，快要九年；下任特首要「硬食」這棍的機會極高，我也不知道選上的那位是禍是福。當然，仇商情緒在經濟轉差時，也會更加激進。過去幾年我們見到的，其實只是school picnic，真正好戲在後頭。
利世民
http://www.fb.com/leesimon.hk
本欄逢周二、四刊出
利世民
利字當頭 - 利世民 舊文
來源 source: http://hk.apple.nextmedia.com