【實力取勝】我會追3188 Call（陳承龍）（第131期）
2017-6-29 18:30:25
話咁快一年，小弟講緊嘅係我哋直播搵李嘉誠講脫歐嘅一次報導，呢條直播堅難忘，因為當時新返工不久嘅攝影組同事，提議不如去等誠哥，問嚇英國脫歐反應，我諗都唔諗就話好，又點知真係畀我哋等
到，雖然唔肯答我哋問題，但都肯影張相同收咗我哋本《港股策略王》呀。舊年其實我哋做咗好多唔同嘅嘗試，除咗搵李嘉誠外，例如高明去咗訪問商品大王羅傑斯，又去咗巴郡股東會搵畢菲特，仲俾佢訪問到細仔彼德畢菲特，中外大孖沙我哋都搵過。今年我哋嘅焦點就放咗喺直播室度⋯⋯總之樣樣都要試過先知得唔得。
MSCI話明遲啲再納入多195隻A股中盤股，3188必然受惠。過去幾日雖有很多萬達的負面謠言，但A股ETFs（2822，2823，3188）每天也有唔細嘅升幅，因過去一周是A股基金過去五星期以來最大的吸資額。
入摩前很多人也說比重只有0.7%，又要2018年五月才有那區區180億美元買盤，所以很多專家也認為對A股應該沒有影響。其實係錯，錯，錯！
好多大行話將來A股會五至十年後可以去到30%的MSCI比重，渣打話將來會有四萬億，滙豐說有三萬五千億會買A股⋯⋯等等
實情係，人性和投資心理往往是行先的，見到有些外國基金，香港和內地投資者已經開始買A股，所以過去兩天才升。（如果沒有那些負面謠言可能已升了6-7%。）A股80%是散戶市場，散戶心態是越升就越追，買了之後就叫身邊親友買，越升越有，直到不合常理的價格。過去幾十年，在全世界的股市，都是這樣。根本什麼投資也是，例如香港樓市、比特幣等。
內地民間錢有125萬億，沒有出路，現在內地樓市辣招又多，如果看到A股升，一定會跟，所以那四萬億外資可能還未買，已經有幾萬民間資金買了，至於中央收緊個人和企業掉錢去外國投資，是個好消息。因為焗住啲錢留在國內買嘢。只是兩種嘢：炒樓、炒股票，A股中長線受惠外資流入，所以A股ETF真係有排升。
渣打銀行（香港）大中華及東北亞交易銀行證券服務主管兼董事總經理Barnaby Nelson，引述該行進行的第二份人民幣投資統計，預測內地國債或會在今年下半年至明年起，有機會被納入國際領先債券指數（如花旗、摩通及巴柏萊等相關指數），未來數年流入內地資金規模，可多達2,000至5,000億美元（約1.6萬至3.9萬億港元）。所以3188邊有唔升嘅理由。
另外，美國上星期四剛為34間大銀行做了壓力測試，滙豐（00005.HK）當然高出最低要求，即合格了。星期三會做第二輪壓力測試來決定這些銀行的增加派息和回䜋股東(例如回購股份）的要求會不會獲得批准。如果滙豐獲得批准會是好事，老實講，北水日日淨買入滙豐，我唔覺得大媽會輸畀神秘力量囉⋯⋯
實力取勝 - 陳承龍 舊文
來源 source: http://www.winmoney.hk