機會嚟喇 - 飛雲 2017年11月21日
【機會嚟喇】新股這些機會（飛雲）（第151期）
2017-11-20 18:00:35
話說某日，和同事坐車前往開會途中，她突然拿出手機看看，然後說：「哈哈！抽唔中喎！其實呢個字點讀？」同事所指的，乃是一個「鑫」字！抽唔中的，自然是指爆飛爆到七彩、超額五百幾倍的易鑫集團（02868.HK）！
然後，同事又說起抽紀念鈔，說朋友叫她抽十連鈔、三連鈔，話最多無得賺，點都唔會蝕！我就話，抽新股此玩意，我已經很久沒參與了！現在雖然新股熱潮再起，但自己也無甚意欲重彈此調，這些機會，就留給廣大讀者吧！
十多年前（恒指見三萬二之前），抽新股的熱潮比起現在更旺，「中字頭」新股基本上係必賺，四叔亦憑著密密抽而贏得「亞洲股神」的名頭！那年頭，港股市旺，好多未投資過的朋友都心鬱鬱，想買下股票，不時都會有朋友來問我意見。而我那時候亦經常會跟這些朋友說，如果想感受一下市場氣氛，試試什麼是買股票，不妨抽抽新股！
如今，回想起來，自己之所以會這樣建議，相當程度是由於那時候抽新股賺到錢的機會極高，輸錢的機會甚低，朋友們若聽從建議，大不了都係無錢賺，或者輸手續費，再加上有四叔這個超級KOL俾大家參考，所以，可以好放心咁叫人跟抽！
如果你問我，今時今日，還會不會再叫人抽新股？我會說要睇情況！如果大家目的純粹只是搵快錢，但求賺咗先，我會說，一抽無妨！然而，假如真的是希望嘗試投資的話，就未必了！
因為，在我而言，通過抽新股賺快錢，是近乎於投機多於投資。若然朋友成功從抽新股獲利，繼而就認定了買賣股票就是如此容易賺錢，我不敢說那一定是壞事，但就未必一定是好事！因為，有了這個不太正確的觀念後，衍生的問題，就是有可能高估了自己的能力，低估了股票投資的風險。市好的話，危險還不算太大；惟一旦市況逆轉，後果就可能相當嚴重，隨時會遭沒頂！
當然，這只是最壞的情況！只是我個人的做事方式，向來都中是做最好的準備，做最壞的打算！這樣未必可以賺大錢，不過起碼唔會輸身家，長炒長有，願各位謹記！
機會嚟喇 - 飛雲 舊文
來源 source: http://www.winmoney.hk