一路一帶：見證3,500萬買900呎「豪宅」的瘋狂
■香港樓價連升超過八年，幾千萬買個不足一千呎嘅單位唔稀奇。資料圖片
2017年將過，今年騰訊（700）、樓價及bitcoin可以話喺三大財金關鍵詞。香港樓價已經連續升咗超過八年，筆者近日親身經歷，由睇樓到落標，兩日之內就豪花3,500
萬買一個不足一千呎的「豪宅」單位，見證2017年香港樓市癲價狂潮。
筆者朋友自小在何文田居住，婚後搬入屯門，方便丈夫工作，不過女兒長大後，入讀何文田區學校，為了子女，便萌生搬回「家鄉」念頭，區內有數個新盤，但她條件是望山景、會所設施夠完善，寧靜但交通方便，最重要是住在「毫宅區」。筆者曾提議過九龍站，但其家人認為該區太多大陸人及遊客，對小朋友「薰陶」唔好。啟德呢？未來十年烏煙瘴氣，荃灣、長沙灣等不是傳統高級豪宅地段，最終都是揀返何文田。
睇咗區內兩個新盤，天X發展商出名用料好，但奈何該盤會所設施唔夠好，朋友一句「Shit」便不再考慮。再睇另一個新盤，中層單位不足一千呎，現樓招標發售，睇咗兩日樓唔夠就撲槌，入標價3,500萬左右，諗住俾一半首期，再借發展商樓按，頭3年2.75厘，3年後加至4.25厘。單是印花稅及律師費，都要145萬，朋友話這套樓按不設罰息期，「今次真係All in，頭幾年辛苦啲，快啲供甩佢就掂。」
對於第一次接觸新盤的朋友，家裏有錢當然可以買，計過數後，發現豪宅銷售均為大陸人提出貼心服務，免罰息樓按，對無收入證明但有香港ID嘅有錢人嚟講，簡直係「富豪恩物」。其實以上例子比比皆是，3,000幾萬買個不足一千呎嘅單位，值唔值呢個價係一回事，但對於富豪，有冇能力買就是另一回事。只要有能力買，幾錢都要買，香港樓市目前就是如此瘋狂。
斯郎
FB專頁
https://fb.com/oneroadonebelt
斯郎
~TITLE_S~一路一帶 - 斯郎 2017年12月28日 舊文
來源 source: http://hk.finance.appledaily.com