魚樂無窮：北水暫停喜定悲
■假期氣氛轉濃，成交明顯減少，加上港股通暫停，呢段時間宜輕倉上路。 晉平安攝
農曆年假在即，假期氣氛轉濃，成交明顯減少。港股通今日起暫停，至下周四（22日）復常，期間少了北水支持，淡友說有力踩多腳，有跌冇升；好友則指調整已深，話唔定在買賣兩閒下反高潮炒上。邊
個啱邊個錯，要由時間驗證，只要輕倉上路，便甚麼也不怕。
趁市靜跟進一下過往重心推介︰大家等派特別息等到頸都長嘅和電香港（215），終宣佈本月26日放榜，通告只有一句「考慮建議派付末期股息」，未有明言特別派送，進取嘅可以揸到尾等結果，保守嘅不妨先沽出部份套利，兩者皆可取。
先達物流（6123）一輪急升後，新近已重回起步位，集團周三情人節舉行股東特別大會，動議易名為圓通速遞，短線有望借勢炒一轉，長遠依然睇新主點樣做，都係那句，只要守住GO價4.0698元，便可長期作戰。
今季推介富士高（927）不幸地跌至1.2元，黯然止蝕，流通量低成為致命關鍵。無他，在要錢唔要貨下，好容易便被沽低十格八格。投資價值浮現下，埋單倒升收場，股息率最新9厘，淨現金佔市值達六成，硬沽落去實在不合理，只要嚟緊全年業績交到數，股價一定會反映其真正價值，等定唔等？悉隨尊便！
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.finance.appledaily.com