【魚樂無窮】炒新股六式你要知（唐牛）
工欲善其事，必
先利其器，炒爆升新股有六項招式，你一定要知。更多
指數唔上唔落，新股卻炒到拆天，奶茶概念股賓仕（1705.hk）兩日最多升7倍，唔少人都留言問咩位可以買，冇計，市值由4億膨脹至近30億，快過印銀紙，想分一杯羹實屬正常。
工欲善其事，必先利其器，炒爆升新股有六項招式，你一定要知。
第一，新股只炒供求，與基本因素無關，所以只短炒不長揸；
第二，正因為僅短炒，所以每次買入後都要訂好心目中止賺止蝕位並嚴守，絕不能心軟，否則隨時又多一堆牆紙。
第三，追升好過撈底，因為無蟹貨才能讓升勢持續，所以首日上市價較暗盤價高，已有一定值博率。
第四，造頂新股寧願唔玩。以賓士為例，昨日高位7.9元，與收市價5.71元有四成距離，可確認為短期頂位，更重要是形成蟹貨區，升勢肯定不如以往順暢，彌明生活百貨（8473.hk）活生生例子，有辦你睇。
第五，硬要炒波幅嘅，可睇實全日平均價操作。
第六，我認為係最重要嘅，就係新股上落非常快，如果未能坐在報價機前睇實，我建議你唔好掂，呢啲錢你冇資格贏。
個股可留意華訊（0833.hk），昨晚剛宣佈盈喜，預計全年盈利增長50%，主要受惠客戶對電子產品需求增加，及新增投資物業分部有溢利貢獻。最重要係未見春江鴨，用2.4元作止蝕位入場，無傷大雅。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com