一路一帶：香港人最叻炒賣
■黃子華棟篤笑門票最貴被炒至過萬元。炒賣長遠對香港係咪好事呢？互聯網圖片
毛記葵湧（1716）噚日上市，這個勵志故事話畀大家知，香港有創意仍然可以有自己一條路，同樣上到位，有人認同；更重要喺今次聯交所開綠燈，即是往後所有創新嘅公司，一樣可以嚟上市。
香港哋創
意無限，港人係樂於擁抱創新，試新事物，但可惜香港嘅商家一啲都唔願創新，依循守舊，大商家鍾意買固定資產，收取固定收入，鍾意壟斷性嘅行業，偏偏香港呢個自由市場，卻出現代理呢隻壟斷怪獸。
香港好多行業仲係唔與時並進，例如戲院，各大院線各自為政，當其他廠家都搞自動化，想減輕人手，但戲院依然樂意人手賣戲飛，香港網上買飛係要畀手續費的，真係天大笑話，即使係戲院門口的電子售賣機，撳飛都係冇得享用信用卡折扣優勢，要死死氣地去排隊，先至有九折或者會員優惠。呢種守舊思想，難用現今的科技及社會價值去衡量。
另外，食品壟斷亦嚴重影響香港競爭力，最簡單香港的街市，只要是領展（823）旗下已翻新的街市，豬肉檔及菜檔都會被大集團壟斷，聯手抬價，建華集團就是領展的親切夥伴。零食方面，亦有四洲集團（374），不過自從阿信屋打破常規後，好多零食小店都得到渠道賣日韓零食，算是輕輕緩解零食霸權。
講到呢度，梗會有人鬧筆者，香港是自由市場，諗到方法，傾到代理，搵食啫，犯法咩？其實香港一直以來都係充滿機會嘅地方，但同樣存在各種大大少少不公平嘅霸權，香港人好叻好勤力，細至波鞋、演唱會飛，大至車位都可以喺短短兩二個月炒到升幾倍賺大錢，黃子華飛又炒，連最近張敬軒嘅飛都炒。炒賣的確可以搵食，但長遠對香港係咪好事呢？呢個又係咪獅子山下……香港人學到的精神呢？
斯郎
斯郎
~TITLE_S~一路一帶 - 斯郎 2018年3月29日 舊文
來源 source: http://hk.finance.appledaily.com