財經評論：李嘉誠式白手興家
■年近90歲的「超人」李嘉誠，自12歲起搵食，終於可以退休喇。資料圖片
經過多年的退休傳聞，年近90歲的「超人」李嘉誠終於在今屆長和系業績大會上宣佈即將退休，將他一手建立的商業王國交由大仔李澤鉅接棒，左右香港經濟命脈的一代商業巨人自12歲起搵食，終於可以收工喇。
自
超人宣佈退休後，不少人對他的傳奇事跡議論紛紛，筆者日前於討論區見到一個有趣題目，就係「誠哥退休後有冇可能再白手興家？」如果超人見退休生活苦悶，選擇重出江湖，同香港一眾年輕人「鍊過」，到底要做邊一行先可以再次白手興家呢？
的確，重溫當日長和系大會上的影片，宣佈退休的李超人雖然年近90，但是他仍然口齒伶俐，面對多家傳媒追問各樣尖銳問題仍然對答如流，可見身體相當健壯，實在有能力fight低班後生。
有人建議，如果誠哥想搞搞新意思可以選擇拍戲，相信有不少片商願意出天價請佢出鏡，例如反轉首富形象，改以貼地的維園阿伯形象示人，一定新鮮感爆棚。
有人認為，誠哥身為香港首富，縱橫股壇多年，充滿大戶的智慧，只是投資炒賣，相信一年賺過億實在易事，而且以他累積多年的人脈，不論投身各行各業都會有人相助。忽發奇想，若果誠哥變返普通年輕人，以其學歷去見工，HR大概會話：「先生，你只有小學學歷，又冇相關工作經驗，拎最低工資OK嗎？」
記者：陳寶恩
財經評論 舊文
來源 source: http://hk.finance.appledaily.com