金手指 - 孫柏文 2019年1月22日
金手指：俄鋁幾時見4蚊 - 孫柏文
俄鋁大股東承諾會大幅減持，搞掂股權變動之後，美國就正式放生俄鋁。 資料圖片 適中字型 較大字型
呢排孫柏文喺fb收到好多讀者來信問問題，今日解答兩條。第一條「美帝已解除俄鋁（486）制裁，點解都仲未四蚊？正一明燈！」
美帝其實只係宣佈會將俄鋁剔出制裁名單，實際係未做。因美帝多月來都話係對佢大股東唔妥，而唔係想搞俄鋁。佢哋已傾好數，大股東承諾會大幅減持，不過未做股權變動。照計應該會過年前搞掂股權，之後就正式放生俄鋁。一日未正式放生，好多金融機構仲係唔畀客戶買俄鋁。我除四蚊目標價預測外，另一預測則到四蚊時呢個網友會玩消失。
第二條「個5G係為乜？手機睇片再高清都冇point。」
冇錯，由3G起，無線網絡都只係追求希望做到駁線網絡做到嘅。不過當你去到5G，無線網絡速度可以做到由洛杉磯，不斷控制架冇人機飛去拉斯維加斯。每個發射塔成為控制塔，即會做到所有鬱得嘅機械，飛機、汽車、巴士全都無人駕駛。
早前話香港巴士司機啲工時及薪水問題。用邏輯推斷，好快就會似以前拗PNET收費一樣，係obsolete嘅問題。巴士司機全收皮。載通（062）既甩人工成本，又可增大資本投資額。當然，喺特首林鄭月娥嘅英明領導下，香港可能成為最後一個有5G，不過都唔淘汰司機嘅地方。因為好打得其實唔打得。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com