智取大市 - 晉佳 2019年2月11日
智取大市：救國股三大主題 - 晉佳
券商股可留意。 適中字型 較大字型
中港股好明顯係中央放水救市同中美糾紛一正一負因素嘅拉鋸，近期話特朗普3月前唔見習近平，港股先跌後回穩，市場對於壞消息免疫，一改去年情況，風險胃納提升不少。市場賭中國放水加刺激行業措施頂得住美國收關稅，股市都未至大跌，仲有可能一浪高於一浪。
資金肯定側重三個概念，內需、政策受惠、北水放閘。家電股升勢已累積唔少，但利好因素未反映曬嘅，可以留意券商股。
中央放水，香港買殼活動死灰復燃，中證監計劃QFII同RQFII合一，擬取消A股平倉線不得低於130%限制，種種跡象顥示中央想向A股落重藥。中央想刺激A股取代樓市作為製造財富效應手段，以市賬率計，滬深300指數於1月初低位時，距離20年低位估計只差一至兩成，點計目前都係平。刺激A股上升，股權質押呢個計時炸彈自然解決，可以製造財富效應刺激經濟，亦可引導資金避免過份流入樓市，對於中國嚟講係代價較細嘅救市手段。
近排中央放水嘅程度，就知呢舖去得有幾盡，唔使擔心券商股之後冇利好政策消息。下次講非銀行類金融股。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com