【魚樂無窮】睇戲怕劇透 另類劇透更可怕（唐牛）
千呼萬喚，《復仇者聯盟4》正式上畫，同時掀起了「劇透死全家」的話題，忠實fans話入場前要遠離各大媒體及social media，以免接觸到任何內容，影響觀賞指數雲雲，whatsapp更瘋傳有人在戲院門口因劇透被打的圖片，雖然可信性不高，
但足以證明睇戲的天敵就是劇透。
劇透係將已知的東西散播出去，如果係未發生的劇本呢？我會演繹為另類劇透，破壞力比起劇透大得多，用兩個字嚟形容，就係預測。被譽為近年測市最準的大摩分析員Michael Wilson，在美股創新高之際，終於跪低認錯，指滾動型熊市已不存在，取而代之的係結構性牛市，如果你信佢的話，好彩嘅唔買貨，只係miss咗個升浪，唔好彩大手沽空嘅，隨時底褲都輸埋。
地球另一邊的香港，最新轉軚的有中原集團創辦人施永青。在樓價連升十周之際，他終於修正自己年初估「今年樓市年尾低過年頭」的說法，並指今年樓市仍是上升市。假設你有能力上車，如果年初信咗施老闆的預測，結果又係眼白白睇住樓價谷底反彈再破頂。預測嘅嘢都係靠估，理據亦會隨時間而起變化，講到尾，投資投機參考意見無妨，但最後決定都係要睇自己。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com