經濟客飯 - 曾國平 2019年5月3日
馬上成為壹會員
會員註冊/登入
【經濟客飯】唔去旅行儲首期 - 曾國平
劉鳴煒告訴年輕人，少去日本多儲錢，終有一日可以上到車。 資料圖片 適中字型 較大字型
香港青年代言人劉鳴煒告訴我們，少去日本多儲錢，是終有上車一日的。有網民認真走去計，由23歲出來社會做事開始，每年唔去旅行儲4萬元，以每年5%保守投資回報計，50歲先儲到230萬，結論好灰。
問題實際，只是計算不夠完整，我今日就認真同大家計儲首期這條數。計錢，首先要搞清楚的名義（nominal）和實質（real）的分別，亦即有冇計算通脹在內。為容易理解，我一律用計埋通脹的名義數字。
歷史上股票回報都係得9%左右，5%回報其實幾高，真正保守投資未必有咁吸引。仲要考慮每年收入增長：就算儲蓄率不變，每年儲蓄金額都係會升的。最後一個假設，當然係樓價升幅，用來估計若幹年後首期大約要幾多。
有齊以上數字，就可以用簡單的數式計出要慳幾多同幾耐，先可儲夠首期。就當現時首期230萬，每年加薪3%，投資回報5%，樓價升幅6%。在這一堆頗為樂觀的假設之下，今年23歲開始儲4萬（其後每年加3%）係冇可能儲到首期的。要在50歲儲夠首期，23歲就要由14萬儲起。想在35歲上車，就要由每年儲23萬做起點了。
《蘋果》不如整番個儲首期計數機，應該好多人用。
曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出
經濟客飯 - 曾國平 舊文
來源 source: http://hk.finance.appledaily.com