【魚樂無窮】請勿再糾纏牛熊走勢（唐牛）
10月乃傳統股災月，今年卻是大團圓結局，整月埋單升814點或3.1%，更一度升穿27000點大關，可喜可賀。不厭其煩講多次，10月潛在炸彈差不多全部拆解，11及12月能否繼續開party，我實在有點保留，尤其美國總統特朗普最鍾意玩嘢，戰友享受泡泡
浴之餘，也要打醒十二分精神。
每當大升浪出現，又會聽到「牛市重臨」之說，甚麼一期二期三期雲雲。我一向不信這套理論，只信資金市，即有錢有得炒，冇錢就攬炒。覺得自己可預測牛市或熊市的戰友，不妨問問自己兩個問題。第一，假設你認定而家係牛/熊市，你夠唔夠膽all in買/沽落去？第二，你會買甚麼股票？
點解提出上述兩個問題，皆因判斷牛熊是用指數去睇，而指數近年都係在大型上落區，all in去做勝算又幾高，大家心中有數。同一時間，市場兩極化問題越來越嚴重，從走勢出發，在指數上上落落期間，內需股、物管股、醫藥股等板塊早已進入牛市三期，指數牛或熊其實可以不理。總結一句，請勿再糾纏牛熊走勢了。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com